Ri-Bhoi, Dec 19: Meghalaya a·dokni Skotong Minister Conrad K Sangma, Taj Umiam Resort & Spa-ko rikna, Ri-Bhoi a·jani Umiam Lake-o ong·atanggipa a·a pakwatani program-o bak ra·angaha.
Ia five-star luxury resort-na gong 330 kror tangkarangko koros ka·anggen aro ian a·doko sokachakani dal·batsranggipa project ong·gen.
Gitcham Skotong Minister ong·anggipa P. A. Sangma sagini niksamsoaniko gisik ra·atpilengon, 1988 bilsio pagipa sagini ia Umiam-ko mongsongbate tourism biapna manchisoe pangchakaniko songe on·aniara da·o chu·sokengaha ine Skotong Minister Conrad K Sangma aganaha.
Ia mangsonganirangko chu·sokgipa ong·atna dondikpilgija kamrangko ka·ahanina Tourism Minister, Tourism Department-ni officialrang, MTDC aro gipin dolrangkoba Skotong Minister mitelpilskaangaha.
Indake, ia a·ako pakwate on·anichi Taj Umiam Resort & Spa, Shillong, five-star property-rangoni brigipa ong·gen aro iachin jolo donggipa manderangna kamko on·a, bading chiwalna aro tourism-ni a·bao tang·doatna dakchakani ong·gnok.
Iarangna agreba Skotong Minister tourist-rangni re·baani bidingo janapengon, 2018 bilsionin gipin biaponi re·bagiparang batroroenga aro 2024 bilsio sak lak 16 mang ong·pile a·dokona re·bagiparang dongaha aro 2028 bilsini gisepode lak 20 baten gipin biaponi tourist-rang re·bana ka·dongsoenga ine aganaha.
Tourism Department-oni 7.7% mangni gita a·dokni GSDP-na dakchakaniko on·enga aro 2032 bilsiode 8.8% mangona tang·dona ka·dongsoenga ineba Sangma agandapaha.
Iarangna agreba, a·dok sorkari gong 3,914 kror damni ming 254 Tourism Infrastructure Project-rangko ra·gatenga aro chu·sokatenga, jedakode gipin biaponi re·baenggipa tourist-rangna nambata dongchakaniko on·a man·gen aro iarangoni Shillong Ropeway, Mawkdok Skywalk, Mawmluh-ni Meghalayan Cave Experience Centre aro Mawsynram-o donggipa Rain & Bamboo Interpretation Centre-ko chanchape ming 26 project-rangde gong 1,400 kror-ni ong·a ineba ua parakataha.
Taj Umiam Resort & Spa, PPP-ni ning·o luxury cottage-rang, SASCI project-ni ning·o Umiam Lake-ko taridapani, convention centre aro Water Sports aro gipinrangko chanchape gong 500 kror mangni gita Umiam-ko namdapatanio koros ka·aha.
Pilakni gitan namroro silroroaniko on·a nangchongmotengani gimin janapengon, five-star hotel-rangko tariachisan Tourism-o namdapatengasan ong·aija indiba, Meghalaya a·doko homestay-rangko tang·doatachi aro songsalni dilenggipa tourism-ko dakanichi manderangna namgnirangko on·a dakchakgen ine aganan baksa, CM-Meghalaya Homestay Mission-ni ning·o homestay-rangko rikna 70%ko Subsidy on·enga ineba Skotong Minister talataha.
Iarangna agreba, a·doko concert-rangko ong·atanio chu·sokanirangko janapatskaengon, 2024 aro 2025 bilsirangni gisepo sak 3.86 lak manderang bak ra·angaha aro gong 23.5 kror-ko koros ka·e gong 133.42 kror-ko man·pilskaaha, ming 5,500 kamrangko bikote on·a man·aha aro chadamberangna, homestay nokgiparangna aro me·chikrangni dilenggipa enrerprise-rangna namgniko on·a man·aha ineba ua janapataha.
Unbaksana, rama jal·lang aro airport-ko apalbatanian mongsongbate tarina aro namdapataniko dakanian mongsonggipa bak ong·a ineba ua aganaha.
Na·simang iakoba nina man·gen:
Na·simang iakoba poraina man·gen: Salgro-Salaramna Bangladesh-oni ka•mikkenatanina Tripura-ni tribal chadamberang Agartala-o jegalanirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
