Agartala, Dec 19: Gitalgipa National Citizens Party-ni (NCP) dilgipa Hasnat Abdullah-ni ka•mikkenatanirang aro ong•gija kattarangko agananina uko matnange Sukrobar salo ma•ambioni ong•bagipa jatrangoni ritchani ritcha chadamberang aro chatro-chatrirang Agartala-o donggipa Bangladesh Deputy High Commission-ni a•palo jegalanirangko dakangaha.
Ia jegalanirangko Tripura-ni dal•batgipa tribal chadambe dolrangoni ge•sa, Youth TIPRA Federation (YTF) ong•ataha. Uamangni aganani gitade, India Bangladesh-ko so•sojengjeng ong•atgenchimode, Dhaka-ba India-ni Salgro Salaramo donggipa a•dok damsnirangko a•songni gipin biaprangoni ekate a•jak sokskagen ine Abdullah-ni parakataniko uamang jegaltokaha.
Abdullah, Bangladesh-ni 2024-o chatro-chatrirang aro manderangni jegalanirangko ong•atgipa dol Students Against Discrimination-ni gitcham convener aro da•o Salgipengachipakna NCP-ni chief organiser ong•enga.
Abdullah-ni katta agananirang parak ong•ani ja•mano Sukrobar salo jegalanirangko dakanio TIPRA Motha aro uni chadambe dol-an Bangladeshi mission-ni sepango jinma baksa jegalanirangko dakpagipa dolsamangmang political party ong•aha ine YTF-ni dilgiparang aganaha.
1971-ni Liberation War-ni somoio India-ni tangka-paisarangko on•atanichi aro uni sipairangni sichakanichi Bangladesh-na dakchakaha ine chasong gitalni Bangladeshi-rang gualaha gita nika ine YTF-ni president Suraj Debbarma jinmana parakataha.
“Da•alo, uamang India-ko bobil dake ra•enga aro ian namen dukni katta ong•a,” ine ua aganangaha.
Una agreba, India-ni Salgro Salaram a•songni gipin bakrangona apchongipa Siliguri Corridor gitasan sokna man•aia, uandaken ua biaprang namen kenna nanggnio ga•aka ine gitcham Bangladeshi Army officer-ni agananiko Debbarma gisik ra•ataha.
Ia jegalanirangara Salgro Salaram sagalona sokna man•ja, uandake Bangladesh-ni kamrang Tiprasa manderangko dingtang dingtang ja•ku de•aniona draatnaba gnang ine Bangladesh-na gisik ra•ataniko on•ani ong•a ine ua agandapaha.
Ia bilsio adita jarangna skang YTF-ni chief India-Bangladesh sima ario South Tripura-ni Belonia minggipa biapo Bangladesh-ni niam gri guare kaanirangko dakenga ine jegalanirangko dakdilaha.
Uandake 4,000-km ro•gipa India-Bangladesh-ni sima ari-ko naljoke rakkichina Debbarma ma•mong sorkariko mol•molaha aro nanggenchimode, ma•ambioni ong•bagipa jatrangna an•tangtangni a•dokrangko aro pilak nangarangko naljoke rakkina bilko on•na nanga ine aganangaha.
Re•baenggipa bilsini February ja-o Bangladesh-ni general election-ni somoina jajrenge ua so•sojengjeng ong•gnirangni bidingo mikrakataha aro Muhammad Yunus-ni dilenggipa da•o ong•enggipa sorkaride a•palchini manderangni bil donga ine ua talatangaha.
Uandake Bangladesh-o minority-rangni, mongsongbate ma•ambioni ong•bagipa jatrangni kosako dontonggija so•sojengjeng ong•atanirang aro sinjetanirangko chakchikjawa ine ua mikrakataniko on•angaha.
“Chinga da•alo tom•tome jegalanirangko dakenga, indiba iandakgipa sinjetanirangko dakangkugenchimode, Tiprasa manderang jrip nie dongjawa,” ine ua parakataha.
Jegalanirangko dakgiparang Muhammad Yunus-ni kosakoba chrik-a•bokanirangko dakaha indiba Deputy High Commission-o dongtimgipa bang•a police dolrang uamangko champengaha.
Police dolrang miktuatgija nitimaniko dakengmitingo “India tangbangchina”, “Salgro Salaram tangbangchina” aro “Tripura tangbangchina” ine chrikanirangko dake manderang uamangni re•jomaniko dontongangaha.
Na·simang iakoba nina man·gen:
Na·simang iakoba poraina man·gen: Simsang Festival 2025 Bristibar saloni a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
