Williamnagar, Dec 19: Salgnina ong·atenggipa Simsang Festival 2025, Sukrobar saloni a·bachengaha aro ia program-ko Williamnagar-ni WDSA kal·chakram biapo ong·atenga.
Ia program-o State Planning Board-ni Chairman Nihim D. Shira-ni dongpaanio, jolni MLA aro Cabinet Minister ong·enggipa Marcuise N. Marak mongsonggipa sokgipa ong·e bak ra·angaha.
Ia program-o jatni dakbewal rikbewalrangchi a·bachengataha jeon, Williamnagar Government College-ni chatro chatrirang Wangale mesokangaha, uni joljol Williamnagar-ni chadamberang ‘Sound of Simsanggre’ ine katta bichongko donenba doka dam·achi mesokangaha.
Iarangna agreba, Rongrenggre Higher Secondary School-ni chatro chatrirangni, ring·ambi ring·atchu git chong·motan “Akai Simsanggre”-ko ring·mesokanichi program-o bak ra·enggipa sakantini gisik aro ka·tongrangko ka·srokataha. Unbaksanaba, Dambesa M. Sangma aro uni dolni chrokmesaaniko aro Avril S. Marak-ni ka·srokbee git ring·anikoba nikangna man·aha.
MLA Marcuise N. Marak tom·anio jinmana aganprakengon, iandake an·saobegipa program-ko ong·atahanina District Administration-ko de·mitelangaha aro iandake jatni dakbewalo ong·atenggipa maniani ba program-rangnchi jatni dakbewalrangko ripinge rakkianio aro jolo donggipa manderangna iandakgipa cholrangko on·e uamangni janggi tangani gadangko tang·doatanio gamchatani gimin janapataha.
Uasan ong·aigija, Skotong Minister Conrad K Sangma-ni dilenggipa Meghalaya a·dok sorkarini niksamsoanirangko janapatengon, pilakni gitan namroro silroroaniko ra·bana, rika cho·ani kamrangko namdapatna, Tourism-ko tang·doatna aro jolo badingchiwale cha·enggipa manderangna dakchakaniko on·a krengenga ine aganaha.
Iarangni gisepo Garo Hills a·jako tang·doatna mongsongbate kamko ka·enga ineba ua agandapaha.
Indake, an·tangtangni nambatsranggipa bosturangko tarie mesokna jotton ka·china jedakode an·tangtango pangchake janggi tangani gadangko namdapatna man·gen ineba ua pilak game ge·e cha·enggipa, jaktangchi bosturangko tarirongenggipa aro badingchiwale cha·enggiparangko didiataha.
Ia program-o bak ra·ani ja·man, mongsonggipa sokgipa aro gipin mande ra·ako man·a kragipa manderang, ua jolni dol 90 dokan dakgiparangko, jolo tarigimin bosturangko aro jaktangchi tarigimin sol·a repani aro sika koanirangko mesokgipa bosturangko nirokangaha.
Ia salgnini Simsang Festival-ko ong·atanichi, jatni dakbewalrangko aro tourism-ko tang·doatan baksa jolo bading chiwale cha·enggiparangna janggi tangani cholrangko on·ani ong·a aro iarangchin songsalna bang·a dakchakaniko on·gen.
Na·simang iakoba nina man·gen:
Na·simang iakoba poraina man·gen: Elaka Narpuh-o IED bomb bretatanio jak donga ine HNLC a·kanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
