Shillong, March 4: Meghalaya Forests & Environment Department-ni salgnina ong·atanggipa state-level workshop Mongolbar salo matchotangaha. Ia workshop-ko Tree House Resort-o ong·atangaha jeon bang·a dal·dalgipa government official-rang, subject expert-rang, Divisional Forest Officer-rang, dingtang dingtang bak ra·enggipa dolrang aro game cha·giparang re·baenba a·doko karirangni dingtangrorobaaniko warachakna aro samtangtangna nisianiko ra·bagijagipa janggi tangani cholrangni gimin chanchirimanirangko dakangaha.
Uandake, karirangni dingtangrorobaanichi bang·a neng·nikanirangko man·engon, agor bolrangko ge·e cha·ani aro burungrangko ripinganian songo-noko janggi tangani cholrangko bilakatna man·gen ine u·i-ma·sigipa manderang aro dilgiparang talate on·angaha.
Ia tom·bimonganio, Meghalaya-ni dingtang dingtang biaprango burung-bolgrimrangko ripinge, karirangni dingtangrorobaanina tarisamsoa baksana, burungrangoniko man·gipa bosturangko bading-chiwale janggi tangani cholrangko sandiani bidingrango chanchirimangaha.
Skanggipa salo agor bolrangko geani ba uarangoniko dingtang dingtang janggi tangani cholrangko bikotani gimin agangrikanirangko dakangaha. Lokayukta chairman C.P. Marak (IFS Retd.) agor bolko “tangsekgipa sona” ine aganenba, uko ge·a-gamanichi bang·a janggi tangani cholrangko man·na ama ine talatangaha.
Itihaso British-rangni sason ka·ani somoirango, Salgro Salaram-ni manderang burung-bolgrimrango man·gipa bosturang jekai agor bol, dalchini, aro am·pangrangko badinganirangko dakaha ine Marak janapaha. Agor bolrangko bang·bate ge·anirangko dakna nangenga ine aganenba, sorkari iani bidingo dakchakanirangko on·na nangenga ine, game cha·giparang ia bosturangko a·palchi wate namgnirangko man·na gita da·o dongenggipa 25,000 kg export quota-ni bidingo nipilaniko dakna nangenga ine ua aganangaha.
Indake ong·engon, agor bolna simsakani, ratani, tariani, certification aro pala-sim·ani gimin u·igija, bolko ge·anisande namgnirangko on·jawa ine gitcham forest official T.T.C. Marak (IFS Retd.) talatangaha.
Uandake, ge·giparang, scientist-rang aro bading-chiwalanina dakchakgipa dingtang dingtang bolrangni bakrimanirangko bilakbatatna nanga inenba, game cha·giparangko dingtang dingtang obostarangoni chel·chakna sorkarini centre-rangko a·bachengatani aro pala-sim·ani cholrangko on·na nangani gimin ua aganangaha.
Gnigipa salo, karirangni dingtangrorobaaniko warachakani aro samtangtangko nisigijagipa pangkamgipa janggi tangani cholrangni gimin chanchirimanirangko dakangaha.
Unbaksana, Draft Forest Policy-ni bidingo panel discussion-koba dakangaha, jeon Divisional Forest Officer-rang aro dingtang dingtang dolrang bak ra·enba, burung-bolgrimrangko rakkianiko pangkamgipa janggi tangani cholrang aro dingtangrorobaenggipa karirangko warachaksoani baksa nangrimatna nangani bidingo chanchirimanirangko dakangaha.
Mikka waanirang tik ong·gijani aro ong·telaigipa gam-jinrangko ka·saninggija jakkalanichi songo-noko donggiparangni neng·nikanirang bang·batroroengaha inenba, burung-bolgrimrango pangchake uarangko ripinge janggi tanganina mikkangchi Meghalay-na namgnirangko on·gen ine bak ra·giparang aganangaha.
Na·simang iakoba nina man·gen:
Na·simang iakoba poraina man·gen: GHADC-o Non-Tribal-rangko rimnapaniko Constitutional Rights Forum jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
