Shillong, April 23: Meghalaya-ni Directorate of Civil Defence and Home Guards, Ministry of Home Affairs-ni ge·etgimin gita April jani 24 tariko “AIRMEX-I 2026” ingipa air drill aro blackout mock drill-ko Meghalaya a·dok gimiko ong·atanggen.
Ia drill ba ranta ka·aniko a·ja gimikon dakanggen, jeon Air Force, Police, SDRF aro jolo donggipa dingtang dingtang dolrangba bak ra·angpagen. SDRF-ni DIG B. Mukhim-ni aganani gitade, ian nanggitikan baksana naljokatani, rimongkatani aro sana bananiko nanggiparangna dakchakaniko on·a manderangni tarisamsoani aro apsan kam ka·anirangko namdapatna miksonganian ong·a.
Ia ranta ka·aniko bakgni dake ong·atanggen, indake air raid-ni somoio dakgna nanggnirangko ranta ka·china gita attamni 3 bajioni 4 bajiona skanggipao siren-rangko gam·atanggen aro 2-gipa Siren-ko attamni 6:59 bajioni 7:02 bajiona black out drill-ko dakangskagen jeon sakanti manderangan noktangtangni light-rangko so·kimitna nanggen.
Official-rang, sakantikon ku·mongpaaniko on·china didiatengon, ian ranta ka·soanisan ong·aia maming dakeba kenjagokna nangjawa ineba manderangna u·iatangkuaha.
Na·simang iakoba nina man·gen:
Na·simang iakoba poraina man·gen: Manipur-ni Ukhrul-o bobil dake chakatgipa dolni guli goanio bilsi 30 ong·gipa saksa saknaako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
