Guwahati, Dec 1: Sombar salo, All India United Democratic Front (AIUDF)-ni MLA aro party-ni Vice-President Haji Aminul Islam, a·doko bilsi 70-80-na songdonggipa manderang baksana 1940-45-na skang songdonggiparangkoba a·rikgalengani gimin a·dok sorkarini ia a·rikgalaniara mikkang nitee dakani ong·enga ine matnangataha. A·doko ru·uta bilsirangna songdongenggipa manderangko name talchenggija niamgri songdonggipa aro ka·dongna man·gijagipa manderang ine a·dok sorkarini okamaniara kragijani ong·a ineba ua Guwahati, Hatigaon-o donggipa party-ni head office-o ong·atgipa Conference-o janapataha. A·dok sorkari sakoba rori ba gipin a·songni mande ine chanchienga ong·ode, chasongni chasongna songdongbaenggipa nokdangni manderangna neng·nikaniko on·gija, name am·sandianiko dakchengesa jekoba dakna nanga ineba ua agandapangkuaha.
Iani gisepon sorkari a·ako on·anio mikkang niteaniko dakenga ineba ua matnangataha. Uni aganani gitade, bang·a Muslim songdong a·chaenggiparangko a·rikgale galani gisepon, Basundhara 1, 2 aro 3 scheme-rangni ning·o Muslim ong·gijagiparangde altuen a·arangko man·skaengaha. Indake AIUDF-ni dilgipa a·dok sorkariko mikkang nitee a·rikgalaniko dontongchina aro Assam a·doko songdongenggipa pilak Hindu, Muslim, tribal, Sikh, Christian aro gipin toromo bebe ra·giparangnaba apsan mikkang niteagri a·arangko on·china ua didiataha.
Na·simang iakoba nina man·gen:
Na·simang iakoba poraina man·gen: Khasi-Jaintia Development Council-ni pangchakani ro·ongko Barak Valley-o songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
