Guwahati, Nov 10: Mizoram a·dokni Aizawl songjinma, Efficient Traffic Management System chong·motan traffic-ko chalaianio nambatsranggipa ong·anina, 18th Urban Mobility India (UMI) Conference and Exibition 2025-ko Gurugam, Haryana-o ong·atanio Special Award-ko man·aha.

Ia Conference-ko Ministry of Housing and Urban Affairs (MoHUA) ong·ataha jeon dam 8 a·songrangoni sak 1,600 mangni gita delegate-rang, jekai expert-rang, policymaker-rang aro dilgiparang bak ra·angaha.

Mizoram-o traffic-ko chalaianio, jolo donggipa manderang dingtang dingtang ranta ka·anirangko daka jekai, ‘Pete Pete’-ko gipin gariko salbatna jakkala aro unbaksana ‘No Vehicle Zone’-koba Aizawl-o maiba manianirangko maniani somoio jakkala jeon garirangko Park ka·ramrame dona man·ja. Iarangna agreba ia songjinmao Department of Transport, register ka·gimin RTO office-rang aro National Road Safety rules-koba ra·gata.

Mizoram sorkari, a·dokni rama sorokrango a·sel ong·aniko aro a·sel ong·e janggi gimaaniko komiatna gita State Road Safety Policy-ko ra·gataha.

Indake, Housing and Urban Affairs aro Power-ni Union Minister S Manohar Lal, a·dok chigani namroro silroroanina jak on·e kam ka·gipa a·dok aro songjinmarangko mitelpilskaangaha aro Tier-2 aro Tier-3 songjinmarang mikkangchi tang·doanina tarisamsoanirangko ra·gatchina ineba didiataha.

Unbaksana, PM e-Bus Sewa Scheme-ni logo aro website-ko oprake on·angan baksa chang 19-gipa Urban Mobility India Conference-ko Odisha-ni Bhubabeshwar-o 2026 bilsini October 23-25 tarikrango ong·atanggen ineba ua parakangaha.

Na·simang iakoba nina man·gen: 

Na·simang iakoba poraina man·gen: A·songni dal·begipa nisanko P. A. Sangma Stadium-o songa

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub