Shillong, Nov 10: Sorkari aro manderangni gisepo mikkanggrike agangrikna man•na gita a•dok sorkarini ra•gatgipa Chief Minister’s Connect Program-ko Sombar salo, Meghalaya a•dokni Chief Minister Conrad K Sangma an•tangan, West Jaintia Hills a•jani Amlarem Civil Sub-Division-o ong•atangaha.
Ia CM Connect Program-ko Amlarem Sub-Division-ni Golden Jubilee maniani bak gita ong•ataha aro ia program-o dingtang dingtang department-ni official-rang, songni nokni dilgiparang aro dingtang dingtang songni manderangba bak ra•angtokaha.
Ia program-ko ong•atanio a•dokni Chief Minister Conrad K Sangma, Education Minister Lahkmen Rymbui, C&RD Minister Sosthenes Sohtun, C&RD Department-ni Director SC Sadhu, West Jaintia Hills a•jani Deputy Commissioner Abhinav Kumar Singh, Amlarem Sub-Division-ni SDO Kumar Anendya Raajshree aro gipin official-rangba dongpae, manderangni ma•sina nangnike sing•anirangna agan-talatanirangko on•angaha.
Ia program-ko ong•atanio, dingtang dingtang kamrang, jekai chi on•ani, lekka pora, an•seng baljokani, rama jal•lang, bijoli, songo noko janggi tangani chol, me•chikrangna janggi tangani chol aro uandakgipa kamrangni gimin songni manderang, sorkari baksa agangrikangaha.
Manderangni nanganirang aro neng•nikanirangko niatchina gita Chief Minister, ia program-o dingtang dingtang sorkari official-rangna ge•etaniko on•angaha.
Ia tom•anio a•dokni Chief Minister, jinmana aganprakengon, ia CM Connect Program-ara, manderangni nanganirangko aro neng•nikanirangko knatime ra•enba, ta•raken ja•kuko de•e dakchakaniko on•na gita sorkarini a•bachengatgipa program ong•a ine talataniko on•angaha.
Amlarem-o me•chikrangni Self Help Group-rangna Cluster Level Federation-ko rikna gita a•dokni Chief Minister, CM-SDF-oniko gong lak 10-ko on•na gitaba ia tom•anio parakataha.
Meghalaya a•dokni dam 56 block-rangon CM Connect Centre-rangko kuligen ine parakatengon, manderang sorkarini dakchakaniko bi•na gita 1971 / 1800-3456-851 nombor-ona ka•e u•iatna man•gen ba 94363 94363 nomborona Whatsapp ka•atna man•gen aro [email protected] website-ona email ka•atna man•gen ine Chief Minister talataniko on•angaha.
Na·simang iakoba nina man·gen:
Na·simang iakoba poraina man·gen: Aizawl, traffic-ko chalaianio nambatsranggipa ong·anina award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
