Imphal, Jan 22: Anti-Narcotic Task Force (ANTF), ma·mong aro a·dokni sipairang baksa nangrime pekatgipa bosturangko badingchiwalenggipa manderangko am·sandianio, sakbonga drugs badinggipako gong kror 1.4 damni drugs baksa Manipur a·dokni damgittam a·jarangoniko rim·aha.
Official-rangni u·iatani gitade, ia am·sandianiko Kakching, Chandal aro Senapati a·jarangoniko am·sandiangaha aro skanggipa am·sandianio ANTF, Kakching Police Station ning·o ga·akgipa Pallel Makha Leikai Pathabi-oniko sakgni manderangko rim·aha.
Ia rim·a man·gipa manderangara, Thangkin songoni Veromica Moyon (28) aro Thotchanram songoni Chihanring Shinglai (32) ong·a aro uamangoniko gari bolsa, 299 gram mang ong·gipa Heroin No. 4 powder gnanggipa ge 25 sabon tema-rangko aro ge·gni mobile phone-rangko rim·na man·aha.
Gnigipa am·sandianio, Chandel a·ja ning·o ga·akgipa Mobi songoni Letkhothang Haokip (30) aro Robert Lunminthang Haokip (20)-ko rim·na man·aha aro uamangoniko, Kenbo two-wheeler gari, gram 300 mang ong·gipa brown sugar (heroin) gnanggipa ge 22 sabon tema-rangko, Power bank, ge·gni debit card-rang, gong 2,800 tangkarang, ge·gittam chabirangko aro Aadhaar card-ko man·aha.
Indake bon·kamgipa am·sandianio ANTF, Senapati a·jani Katafimai songoni Avio S-ko Tadubi Police Station Naka checkpoint-oniko rim·aha aro ia mandeoniko, NL-07-CB-1151 number-ni Bolero gariko, 805 gram mang ong·gipa brown sugar gnanggipa ge 20 sabon tema-rangko, mobile phone aro Aadhaar card-ko man·aha.
Koborko man·soani gitade, ia heroin-ko uamang gram prako gong 1000 ka·e palenga ine u·ina man·a.
Na·simang iakoba nina man·gen:
Na·simang iakoba poraina man·gen: MoS, Salgro Salaram jolo rika cho·ani project-rangko ta·rakatchina official-rangko u·iata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
