Guwahati, Jan 22: Salgro Salaram jolo rika cho·ani project-rangni bidingo nipiltaianiko dakna gita chua gadango donggipa manderang baksa tom·e chanchirimaniko dakangaha. Minister of State (Independent Charge) for the Ministry of Statistics and Programme Implemantation Rao Indrajit Singh, ia tom·aniko a·bachengdilangaha. Ia tom·bimonganiko Assam Government’s Transformation and Development Department-ni gita ong·atangaha, jeon Assam-ni Additional Chief Secretary of Assam Dr. J. B. Ekka aro Department-ni a·gipibatgipa Secretary Dillip Kumar Borah-ba dongpae bak ra·angpaaha.
Dam 11 Central Ministry-rang, uamangni agancy-rang aro Salgro Salaram-ni dam 8 a·dokrang sorkarirangoni sak 100-na bate official-rangba ia tom·bimonganio bak ra·angpaaha. Uamang ma·mong sorkarini mongsonggipa project-rang baditana kingking matchotaniko man·aha uarangko nipiltaianiko dakan baksana a·ani a·sel neng·nikanirangko man·e jadonggaatani, bosturangko sualanio neng·nikani aro COVID-19-ni somoio ra·bianirangko man·ani bidingoba chanchirimaniko dakangaha.
Ministry of Petroleum and Natural Gas-ni ning·o ming 21 project-rangko nipilaniko dakangaha, jeon North East Gas Grid Project-koba man·chapa jean a·arangko on·ani aro rongtalatanio ru·utatako chagrongna nangenga. Iani gisepon, uamang Assam-ni Numaligarh-o 2G Ethanol Bio-Refinery-ni bidingoba chanchirimaniko dakangaha jean a·gilsako skanggipa wa·aoniko ethanol bikotna man·gipa karkana ong·a.
Ministry of Civil Aviation, kror 2,500 mangna batgipa ming 3 project-rangni bidingo chanchirimaniko dkangskaaha. Ia project-o uamang a·ani a·sel neng·nikanirang baksana mikka balwarangni a·sel ru·utatako man·engon, Imphal Airport aro Pakyang Airport-rango ramarangni a·sel neng·nikanirangko man·skaenga. India-ni Salgro Salaram jolo donggipa a·dokrango ge·sa National Institute of Technology (NIT)-ko rikna miksonganiko man·chape ming 7 project-rangko da·o ka·engaha ine Department of Higher Education u·iataha.
Rao Inderjit Singh, a·doksa dokgipinona re·ruraaniko namdapatna aro jolo chu·gimik namroro silroroaniko ra·bana gita Salgro Salaram jolo ka·enggipa project-rangko ta·raken matchotatna nanga ine tom·ani matchoto aganangaha. Una agreba, ua official-rangko pilak neng·nikanirangko namatani cholrangko sandichinaba didiataha. Iako dakaniara, Prime Minister Narendra Modi-ni Vikshit Bharat @2047-na niksamsoaniko chu·sokatna dakchakaniko on·an baksana Salgro Salaram jolni a·dokrangko bilakbatatna aro nangrimbatatna dakchakgen ineba agandapangkuaha.
Na·simang iakoba nina man·gen:
Na·simang iakoba poraina man·gen: Bang·a Yaba Tablet-rangko Goalpara-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
