Guwahati, Aug 14: Bristibar salo, Assam a•dokni Chief Minister Himanta Biswa Sarma, Arms Licence Service-na online portal-ko Guwahati songjinmani Lok Sewa Bhawan-o a•bachengate on•angaha aro Assam sorkari, silchidarena licence-rangkosan on•aigen indiba silchidarerangkode on•jawa ine talataniko on•angaha.
Ia Arms Licence Service-na online portal-ko a•bachengatani bidingo talataniko on•angengon, dingtang dingtang jatrangni gisepo so•sojengjeng ong•anirangchi Assam a•doko songdongenggipa manderangna, mongsongbate Tribal jatrangna kenchakna nanganirang ong•engani gimin niamrangko pe•gija ian an•tangtangko chel•chakna cholko on•ani gitasa ong•enga ine Chief Minister Sarma aganaha.
Licence on•ani bilrangko deputy commissioner-rang, district commissioner-rang aro superintendent of police-rangsa jakkalgen ine janapatengon, maibakae licence-rangko jakkalsretgenchimoba daitode uamangni jakon ong•aigen aro Chief Minister ba dal•dalgipa police official-rango ong•jawa ine Sarma parakataha.
Ia officer-rang, indita bilsirangna kam ka•e ma•sigimin manderang ong•e, ia kamko niam gitan jakkalgen aro politics-ni gita didianirangko knachakjawa ineba ua aganaha.
Na·simang iakoba nina man·gen:
Na·simang iakoba poraina man·gen: South Salmara-Mankachar-o slai gulirangko bang·e man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
