Guwahati, June 29: Sombar salo, Lower Dibang Valley-ni ta·rakprete jokbaenggipa Sisiri chibimani chi naljokatgipa ring-ko man·pakanga a·sel Dambuk songni nokma-ko man·chape sak 9 manderangni gimaa ja·man Arunachal Pradesh-o chi ban re·anirang namjabataha. Ia man·pakanga man·gipa ringo naljokatani kamko ka·enggipa sak 7 manderang baksana naljokata man·gipa sak 3 manderangko gatangengachim. Gimagipa manderangko sandina aro chi bananio jachange dongenggipa manderangna dakchakaniko on·a gita naljokatgipa dolrang, ring-rang, mongma mang 3 baksana Indian Air Force (IAF)-ni sildorengrangko jakkalenga.
Assam-ni Dhemaji a·jaoba, Dikari chibimani chi ditdoba·ani a·sel songrango chi bananiko ong·ate, Koraibari Char-o sak 15 manderang aro 100 mangni gita matchurang jachange dongan baksana Jonai sub-division-ona re·gipa ramarangba champengatako man·aha.
Indake Arunachal-ni Keyi Panyor a·jao, gimagipa saksani sigimin manggisiko man·anichi re·anggipa June jani 24 tariko rang·san aramrang bretanio chu·gimik sigipa manderang sak 3 gapaha. Ia ong·telaigipa obosta ong·anio, NEEPCO colony-ni te 18 nokrang nosto ong·atako man·an baksana rama jal·angrang aro gipin rika cho·anirang bilongbee nosto ong·atako man·aha.
Papum Pare-ni Deputy Commissioner Lobsang Tsering, nosto ong·gimin ramarangko taripiltaianirangko dakengaha ine u·iatengon, nosto ong·gimin Hoj-Potin Highway-ko kulipiltaie on·a gitade anti-sa bate somoirangko nangnaba donga ine u·iatangaha. Official-rang, Arunachal Pradesh aro Assam-o mikkarang jime waa baksana chi ban re·ani aro a·arang ruanichi nangchakeaniko man·kuengani gimin jinma manderangko nangana agre songreaniko dakjachina didiataha.
Na·simang iakoba nina man·gen:
Na·simang iakoba poraina man·gen: Arunachal a·dok ning·o Chinese PLA camp-rangko niamgri rikaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
