Guwahati, Aug 29: Assam Udalguri aro Baksa a·jarango buringni mongmarang re·baenba a·bani mi misirangko nosto ka·rongengani gimin game ge·e cha·giparangna dakchakaniko on·a, SBI Foundation-ni dakchakanichi Aaryanyak dol, mongmarang spin-ko cha·jani gimin songo donggipa manderangko mi-ni palo spin-rangko ge·china didianiko dakangaha. Adita somoirangna skang mangmang, Udalguri a·jani Sathgharia songni nokdang ge 3 kg 7.5 aro Baksa a·jani Madhipur Mainaguri songo nokdang ge 2 kg 6.5 mang spin bitchilrangko man·aha.
Wildlife Institute of India aro Project Elephant-ni am·sandie niani gitade, bilsi 2000 aro 2023 bilsirangni gisepo Assam a·doko mang 1,209 mongmarangko gimaataha jeoni atagrikni gitade manderangni a·sel so·otako man·aha aro mande-mongma nanggrikanichi sak 1,468 manderangba siangaha.
Mongmarang spin-ko cha·jani gimin ian mi-na bate game ge·e cha·giparangna naljokbatgipa aro mangrakbatgipa tangka paisako man·ani nambatgipa chol ong·a ine Aaryanyak-ni official u·iatangaha. Aaryanyak-ni staff member-rang ching·motan Mondeep Basumatari, Abhijit Saikia, Jaugashar Basumatary aro Pradip Barman maang spin bitchil sualaniko dakangaha.
Ia project-ko ra·baani miksonganiara uan mande aro mongma-ni gisepo nanggrikaniko komiatna, game ge·e cha·giparangni man·gnina aro dolgninan tom·tom ong·e janggi tangna dakchakaniko on·anian ong·a.
Na·simang iakoba nina man·gen:
Na·simang iakoba poraina man·gen: A·dokni skotong minister Mibonpara Secondary School-ni gital building-ko oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
