Tura, Aug 29: Bristibar salo a·dokni skotong minister Conrad K Sangma, Mibonpara Secondary School-ni gital building-ko oprake on·angaha. Ia tom·anio Chokpot-ni MLA Sengchim Sangma, MDC, MLA gitchamrang, MDC-rang baksa South Garo Hills-ni senior officialrang aro ua jolo donggipa songrangni dilgiparangba bak ra·angaha.
Jinmana parake aganatengon, a·dok sorkari songsar-ni kamrangna cholrangko on·chenga ine a·dokni skotong minister Conrad K Sangma parakataha. “Education sector-an chingni dakna nangbatgipa ong·a aro sorkari-ni kror 30,000 budget-ko chamma-oni kror 2,500-ko Education-na on·aha, aro uan pilak gipin kamrangna bate bang·bate on·ani ong·a, maina bida-ko ra·baanichisa manderangpniko silroro-namroroaniko man·gen ine chinga bebera·a,” ine ua aganangaha.
Meghalaya-o songdonggipa manderangoni 50 per cent-de bilsi 20-na komia aro uandake a·dokni chadamberangna sorkari-ni scheme-rang, program-rang aro policy-rangko tarina nanga ineba skotong minister talatangaha.
A·doko Education sector-ko namdapatna sorkari-ni dingtang dingtang kamrangkoba ua janapangaha. “Re·anggipa adita bilsirango, sorkari kror 1000-mangni gita a·dokni LP, UP, Secondary aro Higher Secondary skulrangko rikna, taridapna aro namdapatna koros ka·aha,” ine, education sector-o bang·a neng·nikanirangko man·genchimoba, nambata dingtanganirangko ra·bana sorkari on·kange kamrangko ka·enga ine ua aganangaha. “Sorkari-ni, dilgiparangni, official-rangni aro songdonggipa manderangni bakrime kam ka·anirangchi, a·doko skia-poaraianirango neng·nikanirangko namdapatna aro dingtangatna man·gen,” ine ua agandapaha.
Una agreba, Chokpot-ara jangchio ong·ani gimin South Garo Hills a·janasan ong·aija indiba sepangjolo donggipa a·jarangnaba nangchongmotgipa biap ong·a ine Skotong Minister aganaha. “Deku-Chokpot sorokko tarina World Bank tangkarangko tikataha aro Chokpot Sibbari sorokkoba ru·utgija salrangni gisepon tarignok maina Chokpot-ara dingtang dingtang biaprangko nangdimatgipa ong·a,” ine ua talataha.
Uandake ua bon·kame chatro-chatrirangko bimchipe aro gong·e kam ka·china aro an·tangtangni jatna, a·dokna aro a·songna ka·sachina aro mande ra·china didianiko on·aha. “Na·simangan mikkangchi janggi tangnagiparang aro a·dokni mikkangchina ka·dongani ong·a, aro na·simangan an·chingni a·dokko aro an·chingni a·songko nambata gadangona ra·anggen, uni gimin poraianirango chu·sokna bimchipe kam ka·bo aro namgipa cholon-bewalrangko ja·rike gisik gnanggipa songdonggiparang ong·bo,” ine ua ku·pattianiko on·aha.
Na·simang iakoba nina man·gen:
Na·simang iakoba poraina man·gen: Governor’s House, Tura-ko Raj Bhawan-na pakwate on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
