Tura, Aug 29: Governor’s House, Tura-ko West Garo Hills a·jani Deputy Commissioner, Vibhor Aggarwal, IAS-ni jakchi soi ka·e Raj Bhawan-na pakwate on·aniko dakangaha aro iako Raj Bhawan, Shillong-oni re·bagipa Advance Team-ni dilgipa, aro Meghalaya-ni Governor-ni Commissioner & Secretary Dr. B. D. R. Tiwari, IAS ra·chakangaha. Ia pakwate on·aniko senior official-rang, dingtang dingtang department-rangni manderangni mikkango dakangaha.
Ia pakwate on·anina tom·bimonganio Superintendent of Police, Tura, Abraham T. Sangma, IPS, Governor-ni Joint Secretary A. Lakiang, Raj Bhavan-ni Assistant Executive Engineer D. Diengdoh; PWD (Building), Tura Sub-Division-ni Executive Engineer C. K. Sangma, aro PWD (Building), Tura Sub-Division-ni Assistant Executive Engineer Dominic Marak aro gipinrang bak ra·angaha.
Tom·bimongani matchotani ja·mano, Dr. Tiwari Agriculture, Horticulture, PHE, PWD (Civil & Electrical Division), Fire Service, Police Department (Special Branch), Home Guards, aro NCC-ni officer-rang baksa tom·aniko ong·ate, Tura-ni Raj Bhavan-ko namedake aro pilakni gita chu·onge chalaiani gita agangrikanirangko dakangaha. Uandake uamang ari-o barbed wire-ko wenna, campus-o chu·onga gita bijoli-rangko tekna, safety audit-rangko ong·atna aro biapko naljokatna namedake sandianirangko dakna ine mongsonggipa janapanirangko dakangaha. Bijoli-ko tipchanggija on·na aro solar plant-koba chol dakna, unbaksana chi man·anirangko namdapatna aro chi chekani aro uandakgipa rongtalatanirangko mikkangchi ka·anirangni giminba agananirangko dakangaha.
Raj Bhawan-ko tangsekgilgil rakkina bol ge·anirangko dakna nangchongmotani giminba Dr. Tiwari aganangaha aro campus ning·ao NCC manderangna dongchakani biaprangko tarianirangko janape on·angaha. A·chikrangni dakbewal, itihas aro niam-retirangko mesokna inenba Governor House-china napgipa cholgugani sepango Borang ba Nokachik-ko tarianikoba ua janapaha. Una agreba, ua campus-ko name niaha aro Governor’s House-ko nitoatna nanga aro barirangko aro tangsekgilgil samsirang aro pulrangko donna nanga ine dingtang dingtang dakna nanggnirangni gimin aganangaha.
Uandake, Tura-ni Raj Bhawan-o nambatgipa gadango naljokaniko on·na, mikkangchina pangkamgipa ong·na aro jatni dakbewalko mesokaniko dakna ine pilak department-rangko nangrime kam ka·china Dr. Tiwari ku·pattiangaha.
Na·simang iakoba nina man·gen:
Na·simang iakoba poraina man·gen: Gipin biaprangoni re•baenggipa taxi-rangko champengjachina Tourism Minister didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
