Guwahati, July 29: Sima ari gita drugrangko badingsrukanirangko sandianio, Directorate of Revenue Intelligence (DRI) Assam aro Mizoram a·dokrangoniko tangka kror 28-ni ong·nasipile pekgipa bosturangko man·aha aro ianoni tepsakode namen tepa-bil·ahani gimin officerrang uko kulina mechanic-ko okamatna nangaha.
July 25 tariko, DRI-ni officialrang Hailakandi a·jani Katakhal-oniko Mahindra TUV300-ko rim·aha. U·ijana gita name dongnugimin garini noksikrangoniko te-160 sabon donchakgiparango gram 1,813 heroin-rangko tepgimin aro kg 2 metamphetamins tabletrangko man·aha. Ia bosturangko namen rake dongnuahani gimin gari-ni bakrangko okruruna gita mechanic-ko okamatna nangaha.
Salgipino officer-rang badingsrukgiparangko sandianirangko dakpilon, Mizoram-ni Champhai a·jani Sakei Bangla-o Maruti Eeco van bolsani asongchakgiparangni kokkimarangoniko gram 1,920 heroin-rangko man·aha.
Sandianirangko dakgiparangni aganani gitade, ia pekgipa bosturangko Myanmar-oniko Mizoram-o donggipa bangbanggipa sima ari gita badingsrukbae a·songni gipin biaprangona ra·angenga ine u·ina man·aha. Uandake, NDPS Act-ni ning·ao sakgni Myanmar-ni manderang baksa chu·gimik sakbri manderangko rim·aha.
January 2005-oni dipetan, DRI Salgro-Salaram a·dokrang kror 346 damrangna baten pekgipa bosturangko man·aha, chang 27 badi ka·anirangko dakaha, bol 25 garirangko rim·aha aro sak 48 manderangko rim·aha.
Ia sandianirang, Indo-Myanmar sima ari-o drug badingsrukgiparang namen jotton ka·batenga indiba niam-retirangko nirokgipa dolrangba uamangko sandie rim·na neng·takgija kam ka·enga ine mesokenga ine official-rang aganaha.
Na·simang iakoba nina man·gen:
Na·simang iakoba poraina man·gen: Mizoram-o to salgipa driver-rang kamrangko dondikatanichi petrol chu·ongjaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
