Boko, Apr 6: Sombar salo, Meghalaya a•dokni Chief Minister aro National People’s Party (NPP)-ni national president Conrad K Sangma, Assam Legislative Assembly election-o NPP-ni candidate ong•e 28-Boko-Chaygaon constituency-o susaenggipa Ganseng B Sangma-na campaign ka•angaha aro uko Bongaon songo hajal kotok manderang rimchaksotokaha.
Ia tom•bimonganio ua jinmana aganprakangengon, uko mande ra•bee aro ka•sae rimchaksoahani gimin Boko-Chaygaon constituency-ni manderangko mittelpilangenba, salgro salaram jol gimikni namroro silroroanina NPP, on•kange kamko ka•enga ine parakangaha.
Ia election-ara, salgro salaramni ku•rangko mesokani ong•enga aro Boko-Chaygaon-ni ku•rang, a•song gimikon gam•chakena sienga ineba Sangma aganaha.
Assam a•doksan ong•aigija a•song gimikan ia election-ni result-ko knasona gita ka•oksibee nichaksoenga ine janapatengon, salgro salaram jolni manderang, apsan niksamsoani ning•o ku•cholsan ong•ani dongama dongja uko a•songni manderang nina sikenga ine Sangma aganaha.
An•tangni pagipa PA Sangma sagini mingnamgipa ong•aniko janapangengon, maikai uni pagipa sagi, chel•begipa biaprangona songreange, manderang bang•jagenchimoba, uamangko mande ra•ani gnang aganprakrongachim, uarangni gimin Conrad Sangma gisik ra•atpilaniko on•angaha.
Uni iandake chakchikrakani aro songni nokni manderangna ka•saanian NPP-ni dal•roroanio pangchakaniko songaha ineba ua aganaha.
NPP-na kam ka•enggipa pilakkon, manderangni nanganirangko nichina aro sing•e sanne ra•china didiangskaengon, party-ni dal•roroaniara jat antinan ka•dongani, bamani aro dangdike on•anio ja•dil su•china ine NPP-ni national president aganaha.
Na·simang iakoba nina man·gen:
Na·simang iakoba poraina man·gen: M’laya-ni rong·kolrang bangbang ong·ja indiba bang·a matburungrang dongchaka aro sikar ka·chaka ine gital am·sandianio parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
