Boko, Mar 19: Re•baenggipa April-ni 9 tariko Assam Legislative Assembly-ni election-ko ong•atengani gimin Budbar salo, Assam a•dokni ning•o donggipa Kamrup a•jani District Commissioner Deba Kumar Mishra, Meghalaya a•dokni ning•o donggipa West Khasi Hills a•jani Deputy Commissioner Hema Nayak baksa a•dok damgnini simao donggipa Lumpi songona re•ange, election-na tarisamsoanirangko niangaha.
Ia songona re•anganio, a•ja damgnionin dingtang dingtang official-rangba dongpaaha.
Assam Assembly election-ko a•dok damgnini simarango donggipa polling station-rango tom•tome ong•atna man•na gita a•ja damgnini official-rang, Lower Lumpi songo tom•e chanchirimangjolaha.
Election-ni somoio Lumpi songni manderang, maming neng•nikani gri dilgiparangko seokanio bak ra•pana man•na chel•chakanirangko donani bidingo a•ja damgnini official-rang, ia tom•anio chanchirimangaha.
Iana skangba Kamrup Rural aro West Khasi Hills a•jani official-rang, Assam Assembly election-ni bidingo Ri Bhoi a•jao tom•aniko ong•atangaha aro da•o gnigipa changna Lumpi songo ong•atangskaaha.
Election-ni somoio dakchakgrikanirangko on•na gitaba a•ja damgnini official-rang, ia tom•anio ku•rachakgrikangaha.
Na·simang iakoba nina man·gen:
Na·simang iakoba poraina man·gen: Dingtang dingtang dolrang Gimegre relief camp-ona re•ange dakchakaniko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
