Tura, Mar 19: Garo Hills-o tom•tomaniko ra•bapilna ja•ku de•ani bak gita Budbar salo, Garo Hills-ni dingtang dingtang dolrang, chong•motan Tura-based Church Leaders Forum (TCLF), Mothers Union aro A•chik Baptist Dal•gipa Krima (ABDK)-ni dilgiparang, West Garo Hills a•jani Dadenggre Block ning•o donggipa Gimegre relief camp-o dongenggipa manderangko grongeaha.
Adita salrangna skang, West Garo Hills a•jani Chibinang jolo so•sojengjeng ong•anganichi nokgri jamgri ong•atako man•na nanggipa sak 1500-mangni gita manderang, ia Gimegre relief camp-o ma•chaktokenga ine nikna man•a.
Ia dolgittamni dilgiparang, Rev Frithing D Sangma-ni Isolo bi•ani ja•man police-rangni re•dilanichi Tura Chandmari-o donggipa Krima Office-oni re•chakatangaha aro uamang ramao Sadolpara Baptist gilja nokoba napangaha.
Gimegre relief camp-ona sokangani ja•man uamang, songo noko donggipa manderang baksa golpogrike, uamangni neng•nikanirangko knatime ra•aha aro uamangna pilak nanga dakchakanirangko on•angaha. Relief camp-o dongenggipa manderangna cha•ani bosturangko suale on•china gita uamang bosturangko, official-rangna pakwate on•angaha.
Ia tom•anio, Additional Deputy Commissioner Pittingson R Sangma, Demdema Block-ni BDO Dr Rikrak N Marak, dingtang dingtang jatni dilgiparang aro songni manderangba dongpae bak ra•angaha.
Ia tom•anio dingtang dingtang dilgiparang aganprakengon, tom•tomaniko man•pilna gita tol•e jangbingbanganirangko bebera•jachina aro giproroatjachina didiani kattarangko aganangaha.
Saksa sakgipinko kema ka•grikna aro ku•mong nangrimaniko rakkichina didiangengon, gipin songrangoba iandakgipa tom•anirangko apsan nangrime ong•atna tik ka•angaha.
Na·simang iakoba nina man·gen:
Na·simang iakoba poraina man·gen: Chadambe dilgiparang EJH-ni DC-ko kamna gital ra·aniko dakna skang ku·rachakgimin gita dingtangataniko dakchina u·iata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
