Shillong, Nov 15: Assam–Meghalaya cadre-ni IPS officer Anand Mishra, Assam aro Meghalaya a•dokrango, aro Garo Hills-oba adita bilsirangna kam ka•ange da•o Bihar a•dokni Buxar Assembly Constituency-o chegipa ong•aha.
BJP ticket-chi election-o susaenba ua Congress candidate Sanjay Kumar Tiwari-ko 28,000 vote-rangchi cheaha.
2011-batch IPS officer ong•e, Mishra Assam-ni bang•a a•jarango Superintendent of Police-ni kamko ka•angaha aro uni kam ka•ani bewalrangna aro manderangna dangdike on•anina ua ta•raken mingsing-minggamaniko man•aha. Uni kosako mamung namgija kamna matnangani donggijani aro manderangni janggi tanganirangko namdapatna kam ka•anirangni gimin pilakchin gipaha aro ian uni campaign ka•anirango mongsonggipa pangchakanirang ong•angaha.
Ua June 1, 1981-o Bhojpur a•jani Shahpur Block-ni Prasaunda songo atchiaha aro ua Indian Police Service-o namen niksenggipa kamrangko ka•angaha. Ua Nagaon-o SP aro Lakhimpur-o SSP-ni kamko ka•e Maoist-rang aro drug badingsrukgiparangko kenmangija sandianirangko dakdilani gimin uko “encounter specialist” ine mingsingaha.
Uni January 29, 2024-o IPS-ni kamko wate manderangni janggi tangani gadangrangko namdapatna dangdike on•anirangara uni politics-o bak ra•anina namen dakchakani ong•aha.
Skang salrangonin Buxar-o Congress dolrang namen bilaka aro 1951 bilsio constituency-ko bikotaoni chang 17 election-rangoni chang 10-de Congress party-an cheaha. Da•ona skang, BJP dolrang changgittamsan amaingkua aro gipin party-rang jekai CPM aro uandakgiparang gisepo bang•gija changrangna amaha.
2020 bilsio Congress-ni Sanjay Kumar Tiwari BJP-ni Parshuram Chaubey-ko 3,892 vote-rangchisan jenetene amaha. Indiba ia bilside dingtanganiko nikna man•aha aro Mishra namedaken chegipa ong•aha.
2025 Buxar election-o dingtang dingtang dolrang bak ra•e sak 15 candidate-rang susagrikaha. Mishra aro Tiwari baksana, Jan Suraj Party-ni Tathagat Harshvardhan-ba namen susaangaha.
Chegipako parakatani ja•mano, manderangni ka•saani, dakchakani aro ra•chakaniko man•e ua namen kusi ong•beaha ine Mishra jinmako mitele aganangaha.
Na·simang iakoba nina man·gen:
Na·simang iakoba poraina man·gen: Meghalaya Cabinet, FRBM amendment-ko namnike ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
