Dibrugarh, June 15: Robibar salo, Assam-ni Skotong Minister Himanta Biswa Sarma, Dibrugarh-ni Dihing Khamti Playground-o Centralised Community Kitchen-na pangchakaniko songe on·an baksana bhumi pujan ba uamangni maniani bewalo a·ana bi·aniko dakangaha. PM Poshan scheme-ni ning·o ma·mong sorkari ia kitchen ba babilsiko rikna gita kror 25-ko on·atgen aro ian skulrango lekka pora skie ra·aniko namdapatna ra·bagipa national program, chong·motan Samagra Shiksha Abhiyan-ni bakba ong·a.
Ia babilsi, skulo poraienggipa chatro chatrirangna rongtalgipa aro be·enna namgniko on·gipa midday meal ba cha·anirangko on·enba, malnutrition ba be·enna nanggipa cha·a ringanirangko man·jae saaniko man·gipa sabisirangko komiatna dakchakan baksana bi·sarangna chu·onga gita cha·anirangkoba man·a dakchakgen. India gimikni chatro chatrirangna midday meal ba cha·anirangko on·anina mingsingako man·gipa, Akshaya Patra Foundation-ni dakchakanichi ia babilsiko rikanggen.
Ia project-ko ra·baanichi manderangna bang·bata kamrangko nakatatna dakchakan baksana cha·anirangko nambate tariani bidingoba skie on·anggen aro jolo songdonggipa manderangna cha·a ringanio simsakani aro be·enna namgniko on·gipa cha·a ringani bidingoba skie on·aniko dakanggen.
Ia pangchakaniko songe on·a jaman, Skotong Minister Himanta Biswa Sarma, Sri Sri Auniati Saksha Satra Auditorium-o “Dharti Aaba Janbhagidari Abhiyan”-ni ning·o jinmana mikrakatani tom·bimonganiko ong·atanio dongpae bak ra·angpaaha. Dibrugarh-ni District Administration aro Department Of Tribal Affairs (Plain) apsan nangrimenba, jolo songdonggipa manderangna sorkarini welfare scheme-rangni gimin u·iate on·an baksana ia on·enggipa namgnirangko uamangona sokatna miksonganio ia tom·bimonganiko ong·atangaha.
Union Minister Sarbananda Sonowal-ko man·chape, Assam-ni Minister-rang jekai Dr. Ranoj Pegu, Bimal Borah, Prashanta Phukan, Jogen Mohan baksana MLA-rang chong·motan Chakradhar Gogoi, Binod Hazarika, Taranga Gogoi aro ASTDC-ni Chairman Rituparna Baruah-ba ia tom·bimonganio dongpae bak ra·angaha.
Na·simang ia video-koba nina man·gen:
Na·simang iakoba poraina man·gen: Assam-o ‘shoot at sight’ ge·etaniko on·anina Assam CM-ko AIUDF MLA matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
