Guwahati, Jan 13: Mongolbar pringwalo Assam-ni Border Security Force-ni (BSF) sipairang Mankachar a•jao donggipa Indo-Bangladesh sima arioniko saksa Bangladeshi mandeko rim•aha.
Rim•ako man•gipa mande Abdul Salam sagini depante Mahmamad Masud ong•a, jekon Mistra ineba ming•a aro ua Bangladesh-ni Kurigram a•jao Rowmari police station-ni ning•o donggipa Ratanpur minggipa biapo songdonggipa ong•a. Uko Jordanga-o sima ari-ko ma•atna guare kagipa biaponiko pringni 4:45 bajimango rim•aha.
BSF-rangni aganani gitade, saksni Bangladeshi manderang guri mitmatani somoio wa•arangko ra•e India-chipakna re•baenganiko nikaha. Ua biapo dongtimenggipa BSF-rang gong•raken Masud-ko rim•aha, indiba gipinrang guri mitmate andalani gimin Bangladesh-ona katangpilna man•aha.
Sandianirangko dakengmitingo, rim•ako man•gipa mandeoniko ge•gni mobile phone-rangko man•aha.
Ja•mano uko niamni gita ja•ku de•na inenba Mankachar Police Station-o pakwateaha.
Na·simang iakoba nina man·gen:
Na·simang iakoba poraina man·gen: ENEEF aro SCGJWD Logistic-ni tom·bimonganiko Bangkok-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
