25 C
Tura

Assam-ni Miya Muslim-rangna party tikitko on·jawa: Himanta Sarma

Must read

Guwahati, Feb 3: Bangladesh a·songoni katbrangbagiparang ine chanako man·gipa Assam a·dokoni Bengali ku·sikko agangipa Muslim-rangko ra·one aganani katta Miya-ko jakkaleming Assam cabinet minister aro salgro-salaramo BJP dolko niroktimna donako man·gipa Pa Himanta Biswa Sarma, Assam-o Assembly election-rang ong·na jagnimangsan somairang dongaiahao dingtangmancha ma·eke aganeming jinmako mol·molangan baksa Miya Muslim jatni dilgiparangna maming dakeba BJP ia eleksino susana gita tikitrangko on·jawa ine a·kange aganaha.

Assam-ni Muslim-rangko uamangni bewalrango aro ku·sik agananirango dingtang dingtang dake bakaha — Bengali ku·sikko agangipa Muslim-rangkon ‘miyas’ ine okamronga, beben a·dokni Muslim manderangoni iamangan jelbatgipade ong·taiskaoba iara Muslim jatni nikaniode ongipa gadangnisa jat gitasa ong·skaachim. A·dokni songdongkamgipa Assamese ku·sikko agangipa Muslim-rangko Khilongiyas (Indigenous) ine aganskaa aro ianoniko baktaigipara – Goriya, Mariya, Deshi, Zulas aro Syed ingiparang ong·skaa.

A·dokni mongsongbatgipa warachakgipa dol, Congress-ko apsandake uamangna party tikitrangko on·jachina gita mol·molaniko dakjolanio, Muslim jat gimikoniko iamang jatko dingtangmancha ma·eke aganeming BJP dol iano maming dakeba torom baseaniko miksongja indiba dakbewal-rikbewalanikosa miksonga aro chinga maming daken Muslim jat gimikni kosakode ong·ja ine Sharma da·al aganprakaha.

“Miya Muslim jatni vote-rangko man·achi anga MLA ong·na sikja aro kakketko aganode, ia manderang angna vote-rangko on·e cheatoba Assembly-on chadengna sikjawa. An·tangtangko Miya Muslim jatoni ine u·iatgipade chingna vote on·na nangjawa, indiba Assamese Muslim-oni ong·ode ka·sapae chingna vote-rangko on·tokpabo,” ine Himanta, koborni manderangna da·al Guwahati-o aganaha.

Assam-o 35 percent-mangde Muslim pu·ongiparangan ong·tokaia, ianoni Bengali-ku·sikko agangipa Muslims (Miyas) jatrangan paltangko bang·bate man·gipaba ong·taiskaa. Gimik sak 126 membor gnanggipa assembly-o dam 30 seat-rangkode uamangan base seokangna gitaba bil dongtaia. Iana skang BJP, uamangni mission 100 plus-koba a·bachengataha jechin uamang ianpakni eleksino dam 100 seat-rangna baten chena mangsonganirang gnang.

“Gipin Muslim dilgiparangna chinga party tikitrangko on·gen indiba Assam-oni Miya Muslim-oni ine an·tangtangko u·iatgiparangnade tikitrangko on·jawa, maina Miya-rang a·songni dingtang dingtang bakrangode chugipa gadangnin ong·a, indiba Assam-o ia Miya kattara Muslim jatoni dingtangmancha chongipa gadangni jatchi chingni chong·mot ong·aniko, chingni dakbewal-rikbewalrangko ra·biani dake jakkalgipa katta ong·skaa, iamangna chinga susana gita tikitrangko on·jawa aro apsandake gualemangba chingna vote-rangko on·panabe ine jak chopjole uamango mol·molna sika, indiba India aro Assam-o an·tangtangko atchikapgipa ine agangipa Muslimrangde chingna vote-rangko on·na man·gen, apsandake Miya-rangko dal·rorona cholko on·jachina anga, congress doloba mol·molna sika ine Himanta agandapaha.

Ong·nasienggipa eleksinna, Congress dol Badaruddin Ajmal-ni re·dilenggipa AIUDF baksa bakrime susaangnasienga jekon Assam-o Bengali ku·sikko agangiparangoni ia dolna chakpagiparang bang·en gnang ine nikna man·enga. Left party-rang aro a·joltangni political party, Anchalik Gana Morcha (AGM)-ba iamang dolni bakan ong·a.

More articles

-->
-->

Latest article