Guwahati, Jun 5: Assam a•dokni sak 12 MLA-rangko minister dake rimnapenba, Sukrobar salo Assam a•dokni Chief Minister Himanta Biswa Sarma, Assam Cabinet-ko dal•batataha.
Ia sak 12 gital minister-rang, Guwahati songjinmani Khanapara-o donggipa Jyoti Jyoti Bishnu Antarjatik Kala Mandir Auditorium-o ku•mikchetangaha aro ia gital minister-rangni ku•mikchetaniko Assam-ni Governor Lakshman Prasad Acharya dilangaha.
Assam-ni Cabinet-o sak 12 gital minister-rangko rimnapahani gimin da•o Assam Cabinet-o Chief Minister-ko man•chape minister-rang gimik sak 17 gapaha.
Sukrobar salo ku•mikchetanggipa gital minister-rangara, Ashok Singhal, Bimal Borah, Biswajit Daimary, Jayanta Mallabaruah, Kaushik Rai, Keshab Mahanta, Krishnendu Paul, Nilima Devi, Pijush Hazarika, Ranoj Pegu, Sushanta Buragohain aro Ashwini Ray Sarkar ong•a.
Ia gital minister-rangni ku•mikchetanio, BJP-na kam ka•enggipa hajalni hajal manderang, MLA-rang aro sorkari official-rangba dongpae bak ra•angtokaha.
Ku•mikcheta matchotani ja•man ia gital minister-rang, kobor ra•timgipa manderang baksa agangrikengon, an•tangtangna chakpaanirangko on•ahani gimin Assam-ni manderangko mittelpilangenba, Chief Minister Himanta Biswa Sarma-ni dilanichi uamang, Assam a•dokko naljokgipa aro namroro silrorogipa a•dok ong•atna kam ka•angkugen ine ku•rachakangaha. An•tangtango ka•donge, Cabinet-o biapko on•ahani gimin ia gital minister-rang, Assam-ni Chief Minister-koba mittelpilangaha.
Ku•mikchetani program matchotani ja•man, Assam-ni Chief Minister, Governor aro gital minister-rang, World Environment Day-ko maniani bak gita auditorium-ni a•palo bol chararangko ge•angaha.
Na·simang iakoba nina man·gen:
Na·simang iakoba poraina man·gen: World Environment Day-ko maniani bak gita a•dokni CM, Rhododendron bolrangko ge•dilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
