Guwahati, Jan 25: Assam a·doko Assembly election-ko ong·atna siengon, electoral roll-rangko Special Revision dakanichi BJP sorkari, Tribal aro chonchongipa jatrangni bimingrangko den·galna jotton ka·enga ine Opposition dolrang matnangataha.
Robibar salo, Indian National Congress (INC), Raijor Dal, Assam Jatiya Parishad (AJP), CPI(M), CPI aro CPI(ML)-ni dilgiparang, Guwahati songjinmani Dispur-o Press Conference-ko ong·atani ja·man, iani bidingo Assam-ni Chief Electoral Officer (CEO)-na memorandum-ko on·angaha.
Assam Assembly-ni Opposition-ko dilgipa Debabrata Saikia-ni kobor ra·timgiparangna parakatani gitade, India a·songo songdongkamgipa manderang, mongsongbate 1971 bilsina skang Assam-ona re·bae, Assam Accord-ni ning·o chel·chakako man·enggipa Muslim manderangko a·rikgalna miksongesa BJP sorkari da·o Special Revision-ko dakenga.
Electoral roll-rangko gital dake nipiltaianichi BJP sorkari, ia Assembly election-na skang, Assam-o songdongkamgipa Muslim manderangni bimingrangko electoral roll-rangoniko den·galna jotton ka·enga ineba Saikia aganaha.
Ia kamo BJP-ni manderang aro election official-rangba jak donga ine Saikia matnangataha.
A·songni gipin biaprangoba apsan dakgipa ja·kurangko de·engba ine janapatengon, BJP-chi chalaienggipa a·dokrang, jekai Karnataka, Maharashtra aro Bihar a·dokrangoba, chonchongipa jatrangko biming den·galna jotton ka·enga aro iani bidingo Congress dolni dilgipa Rahul Gandhi, changni chang ku·rang on·aha ine Saikia aganaha.
Na·simang iakoba nina man·gen:
Na·simang iakoba poraina man·gen: Rama tarigiparang simsakjani a·selsa Dainadubi ramao chadambe saksa sina nanga ine NGO-rang matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
