Guwahati, Jul 1: Assam-o Cattle Preservation Act 2021-ko ra•gatani ja•man, Hindurangni songdongchakram aro mite nok sambarango matchu den•ani aro palaniko champengna Assam sorkari, bilakbee kamrangko ka•engon, Mongolbar salo, Guwahati songjinmani Katahbari jolrango, matchu be•en palgiparangko am•sandie, kg 70-na baten matchu be•enrangko, dingtang dingtang biaprangoniko rim•na man•aha.
Matchu be•en doke palgiparangkosan ong•aigija dingtang dingtang hotel aro hostel-rango matchu be•en song•anikoba Assam sorkari am•sandienga aro uandaken Mongolbar salo, Assam police-rang, Guwahati, Nagaon, Charaideo, Kokrajhar, South Kamrup, aro Dibrugarh jolrango matchu be•en song•giparangko aro song•gija palgiparangkoba am•sandiangaha.
Koborko on•ani gitade, Kokrajhar-oba police-rang, dambri hotel-rangona re•ange, matchu be•enrangko am•sandieaha aro baditaba kg ong•gipa matchu be•enrangko man•aha.
Police-rangni am•sandianio adita sak manderangkoba rim•na man•aha aro mitamde kate jokna man•aha.
Adita salrangna skang, Eid-ko maniani somoio dolgni manderangni gisepo dinggrikanirang ong•katani ja•man aro niam gri matchu den•anina adita sak manderangko rim•ani ja•man Assam-o police-rang, matchu doke palani aro song•anirangko bilakbate am•sandina a•bachengataha.
Na·simang ia video-koba nina man·gen:
Na·simang iakoba poraina man·gen: TFL 2025 | West Balalgre aro Maram FC dolrang biltinggrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
