Guwahati, Sep 17: Meghalaya a·doko All Khasi Meghalaya Tourist Taxi Association (AKMTTA), Assam-oni re·baenggipa tourist taxi-rangko champengchina dabie Mongolbar sal dipet jingjengatna a·bachengahani gimin Assam-oba Motor Parivan Sewakarmi Sanmilita Manch (MPSSM), Meghalaya a·dokoni re·angenggipa taxi-rangko champengsoskana miksonge, September 18 tarik pring 5:00 baji dipet non-cooperation movement (NCM)-ko ong·atna parakatskaaha.
Ia jingjengatanio, tourist-rangko salruraenggipa Assam-ni dingtang dingtang garirang aro tanker-rangko bak ra·china gitaba MPSSM didiataha.
Ia jingjengataniko ong·atna tik ka·ani bidingo kobor ra·timgiparangna u·iatengon, Assam-o tourist taxi salgiparang, Assam, Meghalaya aro Arunachal Pradesh a·dokrango salrurana permit donga aro mitamrangde India gimikon salrurana permit donggenchimoba Meghalaya a·doko taxi salgipa dolrang, Assam-oni re·angenggipa taxi-rangko champengna jotton ka·engani gimin Meghalaya-oni re·baenggipa taxi-rangkoba Assam aro gipin biaprangona re·bana on·skajana tik ka·aha ine MPSSM-ni dilgiparang parakataha.
Salgro salaram jolrangona gipin biaprangoni re·baenggipa tourist-rang, Guwahati airport aro Assam-ni railway station-rangosa ong·onengani gimin Assam-o iandake jingjengatanichi Meghalaya aro salgro salaramni gipin biaprango tourism-na nangchakeaniko ra·bana man·gen ineba MPSSM mikrakataniko on·angaha.
Assam aro Meghalaya a·doko taxi salgiparang iandake dolsa dolgipinni kosako jingjengatengani a·selan Meghalaya a·dokona re·bana tik ka·gimin manderang, an·tangtangni book ka·anirangko den·galpiltokengaha aro bang·a manderangan Meghalaya a·dokona re·bagija Arunachal Pradesh, Nagaland, Uttarakhand, Himachal Pradesh, Bhutan, Ladakh aro uandakgipa biaprangona re·skana tik ka·aha ine B2B travel agent-rang u·iataha.
Na·simang iakoba nina man·gen:
Na·simang iakoba poraina man·gen: Manipur a·dokni a·kawe jolrango chi banenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
