Shillong, Jan 13: Traffic-ni niamrangko pe·a ine tol·e matnangenba Assam-oni re·baenggipa manderangoniko tangka gong Rs. 15,000-ko Home guard volunteer saksani dabiengmitingni video-ko nike uko rim·aha.
December 26, 2025-o Madanrting Traffic Branch-o dongtimenggipa Reganson Kharlor (35) Maruti Suzuki 800 gariko (No. AS 01-F-1460) dongdipatenba, uano gadogiparangoniko tangka gong lak 1-ko dabiaha.
Ua gario gadogiparang uko mol·molengmitingo, Home Guard Volunteer uamangko Madanrting Taxi Stand-ona rimangaha aro uamangoni sakgni sepango donggipa ATM-oniko tangka okmanani ja·mano, traffic-ni niamrangko pe·a ine tol·e matnangenba Rs.15,000/-ko dai gamchina dabiaha.
“Ia obostani bidingo, suo-motu case-ko segataha. Matnangako man·gipa Home Guard Volunteer-ko rim·aha, pilak kam ka·anirangko ra·galaha aro uko niam gita re·e kachario mikkangpa·atgen,” ine East Khasi Hills-ni Superintendent of Police Vivek Syiem Mongolbar salo kobor ra·timgiparangna parrakataha.
“Ia obostao neng·nikaniko man·gipa manderangna kobor on·ataha aro uamang an·tangtangan ong·gimin obostarangko parakatna police-ko mikkangpa·gen,” ine ua agandapaha.
Una agreba, ong·gimin obostani bidingo sulsul niangna pilak nanggipa biaprangoniko CCTV-rangko nienga.
“East Khasi Hills District Police, aro Shillong Traffic Police, manderangna dangdike on·na aro niam gri tangka dabiani aro bilko ong·gija dake jakkalanirangko chakchikjawa ine an·tangtangni ku·chakaniko gisik ra·atpilaha,” ine ua parakataha.
Na·simang iakoba nina man·gen:
Na·simang iakoba poraina man·gen: Assam-ni Indo-Bangla sima ario BSF-rang Bangladesh-ni mande saksako rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
