Baghmara, May 29: Sukrobar salo, Meghalaya a·dokni Shooting Association, South Garo Hills-ni District Sports Office aro South Garo Hills District Shooting Sports Association baksa apsan nangrimenba, Baghmara-ni Sports Complex-o “Awareness Program on Shooting Sports”-ko ong·atangaha.
Ia program-ko ong·atani miksongaianiara, chatro chatrirang aro kal·susaanina gisiko nanggiparangna Shooting Sports-ni bidingo skie ra·an baksana ia kal·susaani a·bao janggi tangani cholrangko skie ra·china didianiko on·anian ong·a. Sakanti bakko ra·giparangna ia tom·anio niamko ja·rikani, kal·susaanina gisikko on·ani aro name dakani gamchatani gimin skie on·angaha.
Official-rang, 2008 bilsio India-ni skanggipa individual Olympic-o Gold medal-ko man·chenggipa Abhinav Bindra-ni chu·sokani bidingo aganangaha. Una agreba uamang jolni chadamberangko national aro international gadangni kal·susaanio chu·sokaniko mangiparangoniko didianiko ra·chinaba u·iataha.
Ia tom·bimonganio chatro chatrirang, kal·susaaniko namnikgiparang aro jolo songdonggipa manderangba dongpae bak ra·angpaaha. Ia awareness program-ko ong·atgipa dolrang, iandakgipa program-rangko ong·atanichi Meghalaya a·doko Shooting Sports-ko ra·dona dakchakaniko on·an baksana South Garo Hills a·jao donggipa changgipa sapgipa chadamberangko a·dok aro a·songni gadango ong·atenggipa kal·susaanirango bakko ra·na gita didiataniko on·gen ine ka·donganiko parakataha.
Na·simang iakoba nina man·gen:
Na·simang iakoba poraina man·gen: Meghalaya-Sports-o nambate dakna bilgnanggipa ong•a: Raksha Khadse
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
