Shillong, May 29: Meghalaya a•dokni sports ba kal•anirango namdapatna aro sports program-rangko ong•atanio kam ka•anirangko, mongsongbate robol kal•ani a•bao namdapataniko ra•bana kam ka•anirangko aro National Games-na tarisamsoenganirangko, sukrobar salo mamong sorkari re•ba nirokangaha.
State for Youth Affairs aro Sports-ni Union Minister, Raksha Khadse, a•dokko sports-ko namdapatna aro chadamberangni dal•roroanina kam ka•anirangko nirokna, Meghalaya Sports aro Youth Affairs Minister-ni Wailadmiki Shylla aro senior official-rang baksa tom•aniko ong•atangenba chanchirimanganiko dakangaha.
Tom•anio, Meghalaya State Sports Scholarship Scheme-ni ning•o sak 900 athlete-rang namgniko man•enga, ine official-rang agananagaha.
Ia tom•anio, Chief Minister’s Football Mission-ni gita dam 125 centre-rangni, Meghalaya a•dokni sak hajal 10 mangnigita chadambe robol kal•na gisik nangiparangna dakchakanirangko on•engani giminba chanchirimangaha. South American football systems ba dakbewalrangko ja•rike ong•atengipa program-rangara a•dokoni adita robol kal•giparangko international-o kal•na sokatna gita tarina dakchakaha, ine Official-rang janapangaha.
National Games-na tarisamsoengani gimin aro sports-ni a•bao namdapaniko ra•bana kam ka•engipa dingtang dingtang porject-rangni giminba chanchirimangaha. Ia project-rangoni, Mawkhanu Football Stadium, jekon salgro salaram jolrango dal•batgipa stadium ong•atna miksonge rikenggipa, jekon National Games-ni opening ceremony-na jakkalna ka•dongsoengipani gimin chanchiangaha.
Unbaksana water sports training-ko ong•chakatna rikengipa Umsawli Sports Complex aro Umtham-o, slalom course-ko rikengipani giminba nipiltainiko dakangaha.
Raksha Khadse, bi•sarang aro chadambe kal•na gisik nangiparangko tariana gisik nangbate kam ka•na mongsongipa ong•ani gimin agnanagenba, mamong sorkari aro a•dokni sorkari, chamdambe kal•giparangna nambate sports program-rangko on•atna aro scheme-rangko man•atna apsan nangrime kam ka•na mongsongipa ong•ani giminba aganangaha.
Ia tom•anio youth program-rang jekai YESS Meghalaya aro MY Bharat-ni chadamberangna didianirangko on•na sporting event-rangko ong•atanirango, maidake dakchake on•anirangni giminba chanchirimangaha.
Meghalaya State Olympic Association aro sport-ni a•bao dang•dike on•enggipa dingtang dingtang memborangba ia tom•anio bak ra•angaha.
Na·simang iakoba nina man·gen:
Na·simang iakoba poraina man·gen: Assam Regiment aro Arunachal Scouts-ni sak 726 Agniveer-rangna Passing-out Parade-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
