Guwahati, Sept 16: Indian Council of Cultural Relations-ni (ICCR) scholarship-ni ning·o National Institute of Technology (NIT) Silchar-o poraienggipa Bangladesh-ni sakbonga chatro-chatrirangko campus ning·ao kajia-golmalrangko ong·atanina suspend ka·ataha.
Ia chatro-chatrirangoniko pekgipa bosturangkoba man·aha aro uamang sakbongakon Bangladesh-ona watatpilgen ine NIT-ni Director Dilip Kumar Baidya parakataha.
Koborrangko man·soani gitade, September 8 tariko gittamgipa bilsio poraienggipa Bangladeshi chatro-chatrirang a·songtangoni porairimenggipa chatro-chatrirangko kajia-golmal ka·aha.
“Ia chatro-chatrirang campus-o dal·en kajia-golmalrangko ong·atanio bak donga ine chinga namen sakkiko man·aha. Uamangko semester ge·gnina suspend ka·aha aro hostel-onikoba a·rikataha. Uamangko klas-rang napna on·jaengani gimin ru·utgija salrangni gisepon uamangko a·songtangona watatpilgen,” ine Baidya aganangaha.
Sakkirangni aganani gitade, September 8 tarikni wal 11:30 bajimango, sakbonga chatro-chatrirang drugs jakkale pekenba a·songtangoni porairimskarangko kajia a·botaha.
Adita mata-bu·ako man·gipa chatro-chatrirangko Silchar Medical College and Hospital-ona (SMCH) rimangaha. Uamangoni sakgnide namen mata-bu·ako man·e intensive care-o dongna nangaha ine sakgipin chatro-chatrirang aganaha.
NIT-ni authority-rang iani bidingo nning·tue sandianirangko dakaha, aro September 12 tariko dos dakgiparangna sastirangko on·na skang, Guwahati zone-ni senior ICCR officer-ba campus-ona re·bae nieaha.
Na·simang iakoba nina man·gen:
Na·simang iakoba poraina man·gen: UPSC coaching-na September 20-o Screening test-ko ong·atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
