Agartala, Oct 25 : Union Ministery of Home Affairs (MHA)-ni ge·etaniko man·e, Commandant Jyotishman Daschoudhuri-ni dilanio sak 400-na baten Tripura State Rifles (TSR)-ko re·baenggipa Bihar Assembly election-ko ong·atanio chel·chakanio dakchakaniko on·a watataha. Sak 5 Assistant Commandant-rangko man·chapgipa ia dol Sukrobar salo dingtangmancha uamangna on·gimin relgario Bihar-ona re·chakatangaha aro uamangko Robibar wal ba Sombar pringo Patna-ona sokna ka·dongsoenga ine TSR-ni official saksa u·iataha.

TSR official-ni aganani gitade Election Commission aro nodal security officer-rangsa Patna sokanga ja·man uamangko banona watatgen uko tik ka·anggen. Ia TSR dolrang, election-ni ge·gni bakon chong·motan November jani 6 tariko ge 121 constituency-rangna aro November jani 11 tariko ge 122 constituency-rangna chel·chakaniko on·anggen.

Da·o dipet TSR-o dol 14 battalion-rang donga, ianoni bang·an India Reserve (IR)-oni ong·a jekon MHA-ni nangnikani gita India-ni je a·dokonaba watatna man·a. TSR dol-ara election-rangni somoio aro a·songni dingtang dingtang biaprango dal·dalgipa tom·bimonganirangko ong·atanio chu·sokbee naljokaniko rakkina man·anina nama bimungko man·giparang ong·a.

Na·simang iakoba nina man·gen: 

Na·simang iakoba poraina man·gen: Jharkhand-o bomb-rangko galdapanina matnangako man•gipa bobil dake chakatgipa dolni mande Kokrajhar-o so•otako man•a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub