Guwahati, Oct 25: Maoist-rang baksa jak donggipa aro Jharkhand-o adita changrang bomb galdapanirangna matnangako man•gipa mande saksa, Sonibar pringo Assam-ni Kokrajhar-o police baksa chagronggrikani somoio so•otako man•aha.
Sianggipa mandeko Ipil Murmu ba Rohit Murmu (40) ine minga aro ua Assam-ni Kokrajhar a•jaoni ong•genchimoba, Jharkhand-o uni kosako badi ka•anirang bang•en gnang ine u•ina man•aha.
Re•anggipa bilsini October ja-o Assam-ona kate chakna skang, Murmu, Jharkhand-ni rel ramao bomb-rangko galdapaha ine Kokrajhar-ni Senior Superintendent of Police (SSP) Pushparaj Singh kobor ra•timgiparangna parakataha. Jharkhand-o manderang uko Rohit Murmu ine u•itoka indiba Assam-ode ua Ipil Murmu ine an•tangko aganachim.
Adita salrangna skang Kokrajhar-ni Nadanguri rel ramao bomb bretanio Murmu-an mongsonggipa matnangako man•gipa ong•a aro iana skangba Jharkhand-oba apsandakgipa kamrangko ua ka•aha ine SP aganangaha.
Am•sandie nianirangko dakon, Murmu Assam aro Jharkhand a•dok damgnion bak donga aro Maoist baksa bakrimgipa NSLA-ni (National Saotal Liberation Army) member gitcham ong•achim ine u•ina man•aha.
“NSLA-ni manderang an•tangtangko police-na mikkang pa•e on•on, Murmu uko dakchakna jechakaha aro Jharkhand-ona katange dolgipinko bikote uni commander ong•aha ine koborrangko man•aha,” ine police official saksa aganangaha.
Uni ja•mano ua Maoist dolrang baksa bakrime an•tangni dolrangko bilakbatataha aro 2015 bilsi dipetoni Jharkhand-o sorkarini kosako chakate niam grigipa kamrango bak ra•angaha.
Adita salrangna skang Jharkhand-ni Police dolrang Assam-ni police dolrang baksa bakrime uko sandie rim•na ine re•baaha.
Uandake Murmu aro Police-ni chagronggrikgipa biaponiko pistol ge•sa, grenade rongsa, voter ID card kingsa aro Jharkhand-o tarigipa Aadhar card kingsako man•aha.
Na·simang iakoba nina man·gen:
Na·simang iakoba poraina man·gen: Captain W. A. Sangma-ni chang 35-gipa siani salko GHADC gisik ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
