Guwahati, Aug 5: Bilsi 10-na bate Silchar-ni damgni private hospitalrango an·tangko doctor ine dakmike komibeoba chang-50 caesarean section aro gipin gynaecological surgery-rangko ka·gipa mande saksako rim·aha.
Matnangako man·gipa Pulok Malakar-ko Silchar-ni private hospital damsao caesarean section ka·engmitingko Robibar attamo rim·aha. Indake uko Sombar salo ua biapni kachari-o mikkang pa·ataha aro salbongana police-ni jako donna hukumko man·aha.
Sribhumi a·jani Badrpurghat-o songdonggipa Malakar, ru·uta bilsirangna an·tangko doctorna poraigimin gita dakmike manderangko sanna-bananirangko dakengachim ine police parakataha. Am·sandie nianiko dakon, uni certificate-rang pilakan tol·e tarigiminrangsa ong·a ine u·ina man·aha. Uandake uko Bharatia Nyaya Snahita-ni (BNS) ning·o Silchar PS-o Case No. 786/25-o dingtang dingtang dos-rangna matnange badi ka·aha.
“Uni lekkarangko nie nion, uni pilak certificate-rang tol·e tarigiminrangsa ine nikna man·aha. Ru·uta bilsirangna ua an·tangni gimin togie kamrangko ka·engachim,” ine Cachar SSP Numal Mahatta aganaha.
Assam a·doko doctor ine dakmikgiparangko rim·na Assam Council of Medical Registration-ni vigilance officer ong·enggipa Dr. Abhijit Neog-ni sandidilanirangko dakanichi rim·a man·giparangoni Malakar-an sak-50gipa ong·a.
Na·simang iakoba nina man·gen:
Na·simang iakoba poraina man·gen: USTM-ni scientistrang Holdi Gisim-oniko 100% Herbal Antimicrobial Cream-ko taria
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
