Boko, April 29: Assam Lok Sabha Election-ni gittamgipa bak ong•na siengon, Assam a•dokni dol gittam mongsonggipa Rabha dolrang, chongmotan, All Rabha Students Union (ARSU), All Rabha Women’s Council (ARWC), aro Sixth Schedule Demand Committee (SSDC) dolrang, BJP baksa nangrime susaenggipa candidate-na paraken chakpaaniko on•gen ine parakataha.
Robibar salo, uamangni headquarter Dudhnoi Goalpara-o ku•monge press conference ong•atgipao, Guwahati, Kokrajhar, Barpeta, Dhubri constituency-rango, BJP baksa bakrime susaenggipa candidate-rangna uamangni dol chakpaaniko on•gen, ine uamamgni mongsongbatgipa dilgiparang parakataha.
Uamangni bakrime u•iatani gitade, “Re•anggipa April jani 25 tariko, chingni ru•uta bilsirangna jachange dongenggipa dabianirangko chu•sokatgen aro ma•mong sorkarini gita Sixth Schedule-ni ning•o Rabha Hasong Council-ko ra•gate on•gen ine, CM Himanta Biswa Sarma-ni chingni dolrangna ku•rachakani gimin, chinga BJP dolni candidate-rang chongmotan, Guwahati-o Bijuli Kalita Medi-na, Kokrajhar-o Jayanta Basumatary-na, Dhubri-o Javed Islam-na aro Barpeta-o Phanibhushan Choudhury-na chakpaaniko on•anggen aro indake, chinga pilak Rabha manderangkoba ia candidate-rangna vote on•china sakantikon okamaha.”
ARSU-ni president Matilal Baksho, maini a•sel uamang chakpaaniko on•engachim uarangko aganenba, mongsongbatgipade Indian Constitution-ni Sixth Schedule-ni ning•o Rabha Hasong Autonomous Council-ko napatna miksonganian ong•a, ine aganangaha. Iani bidingo, Himanta Biswa Sarma, cabinet-ni gita tik ka•manenba, Rabha Hasong area-na constitutional-ni gadango ra•chakaniko dakchina gita mol•molanikoba ma•mong sorkarina watatman•aha, ineba aganangkuaha.
Indake ong•engon, 2020-ni gital National Education Policy-o pangchakenba, pre-primary-ni gadangrango Rabha ku•sikko a•bachengatna gitaba tik ka•manaha. Uasan ong•aigija, Rabha Hasong area-rango, ge•gittam assembly seat-rangkoba Schedule Tribe (ST) manderangna a•kangman•aha.
Lower Assam-ni a•jarang jekai Kokrajhar, Dhubri, Barpeta aro Guwahati constituency-rango, Rabha dolrang bang•beani a•sel, ia biaprango susaenggipa dolrangna election-na skang ARSU, ARWC aro SSDC dolrangni chakpaaniko on•a parakataniara, re•baenggipa 2024 bilsini May jani 7 tariko susaanio mongsonggipa ong•enga.
Na·simang ia video-koba nina man·gen:
Na·simang iakoba poraina man·gen: SWGH-o pring 11 bajioni attamni 3 bajiona skulo class ra•aniko champengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
