Shillong, Feb 25: BJP dolni a·gipbi dilgipa aro gitcham National Secretary Sunil Deodhar, East Khasi Hills a·jani Pynter, Pynursla-o ong·atanggipa Indigenous Faith Conference-o uni agangimin kattarangna talataniko on·china a·dokni party-oni dabiani ja·man, Kristo Jisu-ko mande ra·a ine parakataha.
Sunil Deodhar, BJP-ni State General Secretary Wankitbok Pohshna-na seachi u·iatengon, Christian jong ada aro noa abirangko gisik saatna miksonganio ua kattarangko agana ong·jachim indiba uni agangimin kattarangna gisiko suk ong·gijaniko aganan baksa, Gitel Kristo Jisu-ko aro Chistian-rangko ua mande ra·a ine janapataha.
Ia tom·anio uni aganani miksonganiara, bebe ra·aniko ripinge rakkina, chel·chaksona aro bebe ra·giparangni gisepo namroro silroroaniko rakkichinasa miksongani ong·achim ineba ua talataha.
My Home India dol baksa ru·uta bilsirangna kam ka·ani gimin janapatengon, salgro salaram jolni Christian chadamberangkoba ia dolo rimnape kam ka·aha aro ua apsan dolnin Advent Christmas-koba uamangna ong·ataha ineba ua aganaha.
Indigenous Faith ma·malni Niam Khasi aro Niam Tre bebe ra·giparangna chakpaaniko on·atan baksa ‘Sabka Saath, Sabka Vikas, Sabka Vishwas, Sabka Prayas’-o pangchake, saksa sakgipinko gisik sagrikgija jatrangni gisepo apsangrik ong·ani cholko ra·na nanga ine Deodhar aganaha.
Bon·kame, ua Christian bebera·giparangko gisik saatani kattarangko aganman·ahanina kema bi·ataha.
Na·simang iakoba nina man·gen:
Na·simang iakoba poraina man·gen: M’laya-o HIV man•giparang sak hajal 10-na bataha: Health Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
