Boko, November 7: Boko, Haripur-oni bilsi 45 ong·gipa Sanatan Kalita-ni sigimin manggisiko, National Highway 17 jolo donggipa Agchia buring sambajoloniko Sukrobar attamo man·aha. Ua ramako repakronggipa manderang soa simani bibako man·e am·sandianiko daka jaman manggisiko nikaha aro bakan Boko police dolrangna u·iataha. Indake police dolrang uni manggisiko police station-ona ra·angaha.
Chaygaon Industrial Growth Centre-o kam ka·gipa Kalita, Bristibar salo uni nokdangni manderang baksa kajia nangenba nok para ra·gipako wate katangahachim. Nokdangni manderang baksa kajia nanga jaman ua buringona re·ange bisi ringe an·tangko so·ote siahakon ine songni manderang an·tangtangni chanchichipaniko parakataha. Uni sigimin manggisiko post-mortem ka·na Gauhati Medical College aro Hospital-ona watatani gisepon, police dolrang uni siani chong·mot a·selko u·ina gita am·sandianirangko dakenga ine Boko police u·iataha.
Na·simang iakoba nina man·gen:
Na·simang iakoba poraina man·gen: ‘Vande Mataram’-ni bilsi 150 gapaniko Assam sorkari mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
