Shillong, Aug 26: Business Process Outsourcing (BPO)-rangara bading chiwalani cholrangko sandie a·dokona re·bagipa dolrangsan ong·aigija a·dokni namroro silroroanina sorkari baksa bakrime kamrangko ka·giparangba ong·a ine Meghalaya a·dokni Chief Minister Conrad K Sangma, mittelpile aganangaha.

Sukrobar salo, [24]7.ai CSR-ni program-ko Shillong Technology Park-o ong·atanio a·dokni Chief Minister, ia kattarangko aganaha.

BPO-rangko ua bading chiwalna gita cholrangko sandie a·dokona re·bagipa manderang gitasan ong·aigija a·dokni namroro silroroanina sorkari baksa bakrimgiparang gitasa ong·atna nangnikenga ine janapatengon, uamangni sorkari baksa bakrime songsalna on·gilanirangara mittelaniko man·na kragipa ong·a ine Sangma parakataha.
Meghalaya a·doko da·o chu·onga gitan kam ka·giparang dongahani gimin a·doko IT sector-na namgipa cholrang bang·en dongaha ineba Chief Minister aganaha.

Smart City project-ni bak gita Shillong-o Integrated Command Centre-ko bakan sorkari kulie on·gnok ineba ia tom·anio Chief Minister parakataha.

Chief Minister-ni parakatani gitade, ia Integrated Command Centre-ara Shillong Technology Park-ni sambaon ong·gen aro centre-ni ning·o ge 300-mangni gita CCTV-ko Shillong songjinma gimikon done, chel·chakani kamrangko, traffic-ni kamrangko aro uandakgipa dingtang dingtang kamrangkoba nirokanggen.

Shillong Data Centre-na kamrangko ka·engaha ine janapatskaengon, Chittagong-o donggipa submarine link ba cable link-ko Shillong-ona salbana gita sorkari cholrangko nienga ine Chief Minister parakataha.

Da·o baditaba antirangni gisepon Meghalaya a·doko IT Policy-ko sorkari a·bachengatgnok ineba Chief Minister, ia tom·anio jinmana parakataha.

Iakoba poraie nina man·gen: CoTU, Manipur-o AFSPA-ko ra·bapiltaichina dabianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub