Guwahati, Jan 14: Daba chi•gni gnanggipa Bikaner-Guwahati rel garini mija Bristibar salo a•sel ong•gipao mande sia gimik gimang saksku ong•aha, sak 37 saknaa man•giparangko hospitalrango donenga, aro a•sel ong•gipa garioniko saksakoba watchanggijaan naljoktna man•aha. Biljimbee saknaa man•giparangkode Siligurini North Bengal Medical and Hospitalona watattokaha.

A•sel ong•gipa biapona da•al pringo railway minister Ashwini Vaishnaw re•ange nieaha aro rel ramani trackrangni a•selsa indake a•sel ong•na nangaha aro a•sel ong•ao ga•akgiparangna chinga tangka-paisani gita dakchakanikoba on•atengaha ine railway minister ku•jokaha. Gipin songregiparang jemangan maming saknaa gri jokahachim uamangni miksonga re•baenggipa Guwahati songjinmaona mijal ataman salbae doneaha aro rel ramao a•sel ong•e nosto ong•gipa ramarangko taripiltaiaha ine North East Frontier Railwayni chief public relations officer hub newsn aganaha. Ia a•sel ong•ani koborko railway minister, a•songni prime ministerna u•iatahaon uaba namen duk ong•beani kattarangko aganataha. Duko ga•akenggipa nokdangrang sorkarini dakchakaniko man•gen, sianggipa nokdangni manderang tangka gong lak5 aro biljimbee saknaa man•giparang tangka gong lak1 ko aro adita mata-bu•ako man•aigiparang hajalkolgribonga tangkarangko man•angskagen ineba railway minster aganaha.