Ampati, June 19: Bristibar salo, South West Garo Hills-ni Balalgre-o donggipa Captain Williamson Sangma State University-o health camp-cum awareness program-ko ong·atangaha jeon sak 183 chatro chatrirang aro faculty member-rangba dongpae bak ra·angtokaha.
Ia program-koara gisikni an·seng baljokani, HIV/AIDs-ni gimin mikrakataniko on·ani, pekgipa ringaniko champengsoani aro sabisirangko champengsona ja·ku de·anina gisikko on·bate ong·atangaha. Ia program-ko ong·atani miksonganiara chadambe manderangni gisepo an·seng baljoke janggi tangani bewalko ja·rikchina didiani baksana sabisirangko man·aniko senggnang rim·a man·a dakchakaniko on·anian ong·a.
Dr. Steve Cherak Marak, gisikni an·seng baljokani bidingo aganengon, manderangko senggnang dakchakaniko ra·china, u·i-ma·sigioarangoniko dakchakaniko ra·china aro gisikni gita an·seng baljokgijaniko kratchana nanggipa sabisi dake ra·aniko dontongchinaba ua u·iataha.
HIV/AIDs-ni District Nodal Officer Dr. Bethel Marak, HIV-ko champengani, namgipa bewalrangko seokani, porikka ka·e nianiko dakjringani aro somoi gita sana bananirangko ra·na nangani bidingo aganangaha.
Ia tom·bimonganiko ong·atanio, mongsonggipa sokgipa Vice Chancellor Dr. Vasanthi Vijayakumar aro dal·batgipa dokgipa Additional Deputy Commissioner Dolrich Berin G. Momin baksana University-ni Registrar aro kamoni neng·takgimin IAS officer Ambrose Ch. Marak, health official-rang aro sana banani bidingo u·i-ma·sigiparangba dongpae bak ra·angpaaha.
Bakko ra·gipa sakantian tuberculosis, wagam saani, HIV, an·chi komie saani, cancer, gisikni sabisi aro batrikrikna man·gijagipa sabisirangko porikka ka·e nianirangko dakangaha. Iandakgipa program-rangara mikrakataniko on·ani aro somoi gita sana bananiko namdapatna dakchaka ine official-rang u·iataha.
Na·simang iakoba nina man·gen:
Na·simang iakoba poraina man·gen: Boko-o niamgri Magur na•tok jilgiparangko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
