Diglapara, June 11: College of Community Science (CCS)-Tura-o 4th semester-ko poraienggipa sak 28 chatrirang, Rural Awareness Work Experience (RAWE) Programme-ni bak gita South Garo Hills-ni Diglapara songo re·anggipa May jani 11 tarikoni dongenga.
Ia chatrirang ge 51 nokdangrang baksa kamrangko ka·engan baksana, uamangni cha·ani ringani, be·enna namgniko on·gipa cha·ani aro janggi tangani cholrangni gimin sandie nianiko dakenga. Uasan ong·aigija, uamang nokantio cha·ani ringani bewalrangko namdapatna dakchakaniko on·ani gisepon, uamangni tangka paisa man·aniko bariatani cholrangkoba sandienga.
Chatri saksa Sheetal Thangjam, songni manderang uamangna chakpaaniko on·enga aro uamangni ku·pattianirangko gisik nangen ja·rikenga ine ua Hub News-na aganangaha.
Ku·aganirango dingtanggrikani a·sel a·bachengode agan-grikanio uamang neng·nikanirangko man·aha, indiba ja·mano somoirang re·angroro aro songni manderangni dakchakanichi ua altuaen agan-golpogrikna gita man·aiaha ine Naaz Ajmal u·iataha. Ua sal intaloni, ia chatrirang aro songni manderangni gisepo meli nangrimani bilakbatrorona a·bachengaha.
Ia chatrirang, dingtang dingtang training program-rangko ong·ate, songni manderangna ba·ra koani, embroidery, cha·anirangko ru·uta somoirangna name rakkiani cholrang, vermicomposting aro noktango me·su samjak ge·ani bidingo changa sapaniko skie on·angaha.
Nokdangni manderang dingtang dingtang bosturang jekai te·brong jam, te·gatchu jam, be·enna namgipa ladoo-rang, agarbati aro jaktangchi putularangko maidake tariachim uarangko skie ra·angaha.
Diglapara songni manderang chong·motan Sumitra Koch aro Heroni Koch, ia program-ko ong·atanichi uamang gital changa sapaniko skie ra·an baksana jakkaltobegipa u·i-ma·sianirangko man·aha ine aganenba uamang chatrirangko de·mitelataha.
Uasan ong·aigija ia chatrirang, komia damni skie ra·ani bosturangko tarie on·an baksana poraichakram kutturini pakmarango lekka pora skie ra·ani bidingo noksarangko sale skul-rangna dakchakaniko on·angaha.
Department of Food Science and Nutrition-ni Assistant Professor Dr. Yoya Luithui, ia program-ko ong·ataniara chatrirangko ka·dongbatatna, agan-golpogrikna changa sapaniko namdapatna aro songni manderang baksa meli nangrimaniko mangrakbatatna dakchakaha ine aganangaha. Ia sal 45-na ong·atenggipa program re·baenggoa June jani 20 tariko matchotatgen, jeon songni manderang aro chatrirang an·tangtangni tarigipa bosturang, uamangni skie ra·gimin changa sapanirang baksana program-ko ong·atmiting somoio uamang maimairangko dakangaha uarangko mesoke on·anggen.
Na·simang iakoba nina man·gen:
Na·simang iakoba poraina man·gen: Songni manderang aro health worker-rang km 10 mang ong·gipa buringraragipa rama gita an·o donggipa ma·gipako ra·ange sanram biapona sokatna dakchaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
