Tura, Apr 23: Chada United Sports Association-ni ong•atgipa Under-19 Football Tournament-ni final ba bon•kamgipa kal•susaaniko Bristibar salo ong•ataha aro ia bon•kamgipa kal•susaaniko, Ruga Athaisung FC, Ambri Ading CYC baksa kal•angenba, Ruga Athaisung FC, goal 2-1-chi chegipa ong•aha.
Ia robol kal•susaaniko April 4 tarikoni a•bachengataha aro ia kal•susaanio Garo Hills gimikoni dol 29 robol kal•giparang bak ra•angaha.
Ia final kal•susaanio, Selsella constituency-ni MLA Arbinstone B Marak, mongsonggipa sokgipa ong•e bak ra•angaha aro unbaksana Sports & Youth Affairs-ni Assistant Director Saljagring R Marak aro gipinrangba dongpae bak ra•angaha.
Ia bon•kamgipa kal•susaaniko nina re•bagipa manderangna Selsella-ni MLA aganprakangengon, a•gilsak gimikon manderang robol kal•aniko namnikbattoka aro robol kal•anichi an•tangtangna an•seng baljokaniko on•an baksana da•ororo ian chadamberangna janggi tangani cholrangkoba on•engaha ine parakataha.
Ia robol kal•susaaniko ong•atahani gimin Marak, dingtangmancha Chada United Sports Association-koba mittelpilangaha.
Ia football tournament-ko chegipa Ruga Athaisung FC-na gong 50,000 tangkako boksis dake on•aha aro ia kal•susaanio gnigipa biapko man•gipa Ambri Ading CYC-na gong 30,000 tangkako boksis dake on•skaaha.
Ia robol kal•susaanio, Best Goalkeeper-ni boksisko Athaisung FC-ni Basrang R Marak aro Higher Scorer ba bang•bate goal chipgipani boksisko Chokpot FC-ni Radho M Sangma man•angskaaha. Most Valuable Player-ni boksisko Ambri Ading CYC-ni Rikrak Ch Marak-na on•skaaha.
Ia Under-19 Football Tournament-ko, Meghalaya a•dokni Chief Minister Conrad K Sangma aro Meghalaya Legislative Assembly-ni Speaker Thomas A Sangma-ni tangka paisarangko dakchake on•anichi ong•atna man•aha.
Na·simang iakoba nina man·gen:
Na·simang iakoba poraina man·gen: “AIRMEX-I 2026 ingipa Air Raid Mock Drill-ko April jani 24 tariko M’laya a·dok gimiko ong·atanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
