Williamnagar, July 9: Re•baenggipa 2027 bilsio chang 39-gipa National Games-ko Meghalaya a•doko sokachakna siengon, ia National Games-o bakko ra•na gita East Garo Hills a•jao, Meghalaya Boxing Association (MBA), Williamnagar Boxing Association (WBA) baksa nangrime Boxing selection trial-ko Budbar salo, Williamnagar District Sports Association-ni kal•chakramo ong•atangaha.
Ia selection trial-na Meghalaya Boxing Association (MBA)-ni technical director Larry Kharpran, association-ni president Cornelius Kharkunai aro MBA-ni general secretary Dondar Marwein, Williamnagar-ona re•bae, East Garo Hills a•jani boxing kal•susagiparangko East Garo Hills Boxing Association-ni secretary Noyontho G Marak ni dongpaanio, seokaniko dakna sak 12 boxer-rangko trial ka•ate niaha.
Ia trial-o bak ra•giparangoni saksa, an•tangtangni neng•nikanirangko janapangengon, uamango punching bag, boxing wall pad aro boxing ring-rang dongjani a•sel tarisamsoanio neng•nikanirangko chagrongna nangenga ine parakangaha.
Williamnagar-o boxing selection trial-ko ong•atani bidingo MBA-ni president Cornelius Kharkunai, Hub News baksa agangrikengon, East Garo Hills a•jao da•o dipet boxing kal•giparangna kal•ani bosturang aro kal•chakram biaprang chu•ongkujaenga indiba ia selection trial-o bak ra•gipa East Garo Hills a•jani chadamberang, be•en bimangni gita mangrakgiparang ong•a ine aganangaha.
Na·simang ia video-koba nina man·gen:
Na·simang iakoba poraina man·gen: Ri Bhoi a•jao PDS aro Food Security Scheme-rangko nipilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
