Tura, Nov 7: West Garo Hills-ni Wangala A·dam Chibragre-o A·chik jatrangni dakbewal rikbewalrangko manienggipa chang 49-gipa 100 Drums Wangala bang·a manderangni gisikko salbana dakchakaha.
Ia manianio mongsonggipa gisikko an·saoatgipara, Chu rugalani aro dama bol 100-ni apsan krimkro gamchakeanian ong·aha, jean Meghalaya aro sepangjoloni sokbagiparangko salbana dakchakaha. Wangala-ona sokbagipa bang·a manderangan jatni chrokmesaani, dama dokanirang, ma·gitcham pagitchamrangni git ring·ani baksana mi misiko pattigipa ra·rongipa mite Misi Saljong-ko mitelpilanirangko nike an·saotokaha. Jolo man·gipa cha·ani ringani aro jaktangchi tarigipa bostu-rangko palgipa dokkanrango bang·a manderangni re·baaniko nikna man·aha.
Tura-ni MP Saleng A Sangma, Arts and Culture-ni Minister Sanbor Shullai ia tom·bimonganio dongpae bak ra·angpaaha. Sangma, jinmana aganprakanio A·chikrangni dakbewal rikbewalrangko ripingna nangchongmotani gimin aganengon, ia manianiko ong·atgipa dolrangko de·mitelan baksana mikkangchi iandakgipa manianirangna a·dokni gita bang·bata chakpaanirangko on·china Skotong Minister baksa agangrikaniko dakgen ine Shullai aganangskaaha.
Ia maniani bon·kamgipa salo, Wangala-ni git “Dimdim Dimchong Dachichong” baksana dama bol 100-ko doke Wangalani aro dingtang dingtang songrangni ma·gitcham pagitchamrangni git ring·susaaniko ong·atanggen. Wangala ian A·chik jatrangni gamchatbatgipa aro namnikbatgipa maniani mingsa ong·a.
Na·simang iakoba nina man·gen:
Na·simang iakoba poraina man·gen: Boko Forest-oniko mande saksani manggisiko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
