Tura, Aug 15: Sukrobar salo, chang 79-gipa jakgitelani salko Tura-ni Matchakolgre LP School-ni kal·chakramo an·saobee maniangaha jeon Deputy Chief Minister Sniawbhalang Dhar, mongsonggipa sokgipa ong·e bak ra·angpaaha. Ua a·songni nisanko badalate on·angan baksana parade-o bak ra·giparangko re·e nianiko dake dingtang dingtang a·bao name dakgipa manderangna award-rangko on·angaha.
DSP Walsal Momin-ni dilanio ia parade-o Police, NCC, Scouts aro Guide-rangoni 25 dolrang bak ra·angaha.
Parade kal·anio NCC boy-rangoni Tura Government Boys’ skanggipa biapko aro Tura-ni Don Bosco College 2-gipa biapko man·angskaaha. NCC girls category-o Tura-ni Don Bosco College skanggipa biapko aro Pechon Memorial Higher Secondary School 2-gipa biapko man·aha.
Scout-raongoni Don Bosco Higher Secondary School skanggipa biapko aro St. Mary’s Higher Secondary School 2-gipa biapko man·skaaha.
Guides-rangoniara, St. Mary’s Higher Secondary School skanggipa biapko aro Christian Girls’ Higher Secondary School 2-gipa biapko man·angaha.
Ia maniani salo Rhythm School Of Music, National Anthem ba a·songni git, St. Mary’s Higher Secondary School, an·seng baljokanina be·enko ranta ka·ani dakmesokani, Captain William’s School-ni Pa Togan Nengminja-ni gimin dakmesokani, Tura Music Academy-ni dingtang dingtang ku·sikrangchi git ring·ani, Mason Phillips Academy-ni wanglani, Pechon Memorial HSS-ni Nepali jatni chrokani, Tura Don Bosco College aro Christian Girls’ Higher Secondary School-ni jatna ring·mitelani gitrangko knasona gita man·aha. Iani gisepon, BSF 50 Battalion Dobasipara Dog Squad-rangba dingtangmancha dakmesokanichi jinmako an·saoataha.
Iana agreba, nambate pass ka·gipa chatro chatrirangna, sorkarini employee-rangna aro dingtang dingtang a·bao kamtangko bimchipe ka·giparangna award-rangkoba on·angaha. Bang·bea manderang ia maniani salo re·bae bakko ra·tokpaenba, ka·dimeatani aro a·songna ka·saaniko mesokangaha.
Na·simang iakoba nina man·gen:
Na·simang iakoba poraina man·gen: Pasteur BH-o petrol bomb galdapa, do·ga aro gari nosto ong·aniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
