Shillong, Sept 15: Cheristerfield-na kakket bichalko dabianio a⋅bachengo Mawlai jolo songdonggiparangsan mongsongbate bak ra⋅aiachim indiba September 15 tariko dingtang dingtang jolni jedake Pynursla, Upper Shillong aro Jaintia Hills-o donggipa manderang nangrime ‘Sur Ka Bri U Hynniewtrep’ ine biming done dolko bikotaha.

Ia dolni skanggipa dabianiara ian Cheristerfield-ko so⋅otanio jak donggipa policerang-ko kamoniko ra⋅galchina dabianian ong⋅achim.

Gital dolni dilgiparangna seokgiminrangara, Mawlai Phudmuri Headmen Silvester Kurbah-ko chairman-na aro HYC Mawlai Unit-ni Padot Donboklang Kharlyngdoh-ko vice chairman-na seokangaha.

KSU-oni ong⋅kate gitalgipa dolni dilgipa ong⋅anio maming neng⋅nikaniko ra⋅bajawama ine Hubnews sing⋅on, dolni gisepo mamingba neng⋅nikani dongjawa ine Silvester Kurbah aganchakaha.