25.4 C
Tura
spot_img

Chibisik donggipa biaprango a•ba o•e cha•jachina Nokmarangko didiata

Must read

Tura, May 8: Budbar salo, Nokma Council-ni gita dingtangmancha Nokma Sanerang baksa tom•aniko ong•atangenba, songtangtango donggipa chibisik sambarango a•barangko o•e cha•jachina agan-ku•pattianirangko on•ataha.

Ia tom•aniko Nokma Council-ni president Skylance G Momin dilangaha aro tom•anio Nokma Council-ni chief adviser Daniel Ingty-ba dongpae bak ra•angaha.

Advertisement

Ia tom•anio Nokma Council-ni ning•o donggipa dingtang dingtang unit-ni president aro secretary-rangba bak ra•angtokaha.

Ia tom•anio Nokma Council-ni adviser Daniel Watre Ingty, Nokma Sanerangna aganprakengon, buring bolgrimrangni gamchatani gimin talatanirangko on•angenba, chiring chibisikrangko tangatpilna man•na gita chibisik samba jolrango a•barangko o•e cha•jachina aro buring bolgrimrangko ripinge rakkichina didianiko on•angaha.

Advertisement

Ia tom•anio Nokma Council-ni ning•o donggipa unit ge•antini dilgiparangan, songtangtango buring bolgrimrangko ripinge rakkina aro chibisik donggipa sambarango a•ba o•e cha•jana gita ku•mikchete ra•angtokaha.

Na·simang ia video-koba nina man·gen:

Na·simang iakoba poraina man·gen: Crore 15 damni heroin aro ganja-ko EJH-o rim•na man•a, sak 3-ko rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article