Guwahati, May 19: Guwahatini Indian Institute of technology (IIT) chio donggipa cyanide aro gipin namgijagipa bosturangko chekani sensorko tariaha. Chio aro mandeni be·en-bimango nape dongenggipa namgijagipa bosturangko uie ra·na man·gipa sensorko jakkale chio aro mandeni be·en-bimango kenbegnigipa bosturangni chimonge dongenganiko uie ra·na aro champengna namen dakchakbeani ong·gnok. Ia kamko Chemistry Departmentni Prof. G Krishnamurthyni dilanio namen chu·sokna man·aha.
Ia cyanide ingipara karkanarango jakkalgipa chemical ong·a. Sona bikotramrang ba gold mining, plaatik tarichakramrang aro silni karkanarang aro gipinrango ia cyanide chemicalko jakkala. Iako name jakkaljagenchimode ia chemicalrang chirangona jokange namen kenbegniko ra·bana man·aia aro bamgbangrango balwa baksa brine uko rang·sitmanode bang·a sabisi aro signirangba ong·na man·aia.
Ia sensorko ultra-violet-ni DHP (2-(4′-diethhylamino-2′-hydroxyphenyl)-1H-imidazo-[4,5-b]pyridine)-o pangchake tariaha. Ramramaride ia DHP-ara ultra-violet-o ning·o donaton faint blue ong·e ching·a indiba ia cyanide chemical donggipaode ua cyan namen dingtange ching·skaa. Ia DHP ni ching·anion cyanide donga donggijaniko uina man·aia.
“Ia sensorko jakkalna namen altubea. Iako labrangosan mangmang jakkalaijawa. Iako an·chingni salanti janggi tanganio jakkalenggipa chirangko an·ching porikka ka·e nina man·aigen. Pipeoni jokenggipa chiko aro chiring ba chibimarangonikoba porikka ka·e nina altubea aro iako jakkale 75-93% mangonade tiktakko uina man·chongmotaigen” Molecular Fluorescence aro Spectroscopyni expert Prof. Krishnamurthy aganaha.
Ia sensorko tarianio chu·sokani gimin scienctific journal ‘Spectrochmica Acta Part A’ ingipaoba see parakataha. Ia chu·sokanio jak dongpagipa manderangara Department of bioscience and bioengineering ni prof. Bithiah Grace, Research scholar-rang- Ms Mongoli Brahma, Mr. Arup Das Kanungo, Ms Minati Das aro Mr. Sam P. Mathew ong·a.
Na·simang ia video-koba nina man·gen:
Na·simang iakoba poraina man·gen: GHADC-ko nambate chalaina man•na nangenga: Nikman
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
