Chokpot, July 23: South Garo Hills a•jani Chokpot jolrango man•enggipa dingtang dingtang neng•nikanirangko namatchina didie, Chokpot jolni nangrimgimin dolrang, a•dokni Chief Minister Conrad K Sangma-na sedoataha.
Nangrimgimin dolrangni u•iatani gitade, Chokpot CHC, Silkigre PHC aro Alagre PHC-o doctor, nurse aro gipin kam ka•giparang chu•ongjae manderangna sanna bananirangko on•anio neng•nikanirangko chagrongna nangengani gimin ia health centre-rangna chu•onga gita kam ka•giparangko on•china a•dokni Chief Minister-ko mol•molataha.
Una agreba, Chokpot jolni rama jal•langrang, jekai Deku-oni Kerapara-ona, Sandong-oni Chokpot-ona, Chokpot-oni Sibbari-ona, Chokpot-oni Asakgre-ona aro Paromgre-oni Karukol-ona ramarangko tarie on•china gitaba Chokpot jolni NGO-rang, a•dokni Chief Minister-ko didiataha.
Chokpot-o gitchambegipa higher secondary skulko sorkari jako ra•china didiatengon, Chokpot degree college-ko rikanirang ka•sinengani gimin kamrangko ta•rakatchina aro ia degree college-ko NEHU-ni ning•o bak ong•atchina NGO-rang, a•dokni Chief Minister-ko didiataha.
Indake ong•engon, Chokpot-o PWD-ni gital IB-ko rike on•china, Chokpot-o tourism-ko tang•doatchina aro Chokpot Civil Sub-Division-ni office-ko ta•raken rike on•china gitaba Chokpot jolni nangrimgimin dolrang, a•dokni Chief Minister-ko didiataha.
Na·simang iakoba nina man·gen:
Na·simang iakoba poraina man·gen: Sak 93,000-na baten a·palchini kam ka·na re·bagiparangko Meghalaya-o bimung segata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
