Shillong, July 23: Meghalaya Identification, Registration (Safety and Security) of Migrant Workers Act 2000-o pangchake Meghalaya Labour Department-o bang·a a·palchini kam ka·na re·bagiparangko bimung segataha.
2024 bilsio, sak-93,283 a·palchini kam ka·na re·bagipa manderangko bimung segataha. East Khasi Hills a·jao sak-41,242 manderangni bimungrangko segate bang·batgipa ong·aha aro East Jaintia Hills a·jao sak-29,932 manderangni bimungko segate gnigipa bang·batgipa ong·aha.
Ri Bhoi a·jao sak 10138, West Khasi Hills a·jao sak 3820, West Jaintia Hills a·jao, sak-3575, South West Khasi Hills a·jao sak-2858, West Garo Hills a·jao sak-782, North Garo Hills a·jao sak-372, South Garo Hills a·jao sak-326, East Garo Hills a·jao sak-183 aro South West Garo Hills a·jao sak-55 a·palchini re·bagipa kam ka·giparangni bimungrangko segataha.
Meghalaya-ona a·palchini re·bae kam ka·giparangni naljokanina aro uamangna simsakaniko on·na, 2021 bilsio ia bimung segatanirangko a·bachengataha.
Bimungrangko segatna tangka 50-ko gamna nanga, aro a·palchini kam ka·na re·bagipa manderang uamangni labour card-rangko jadokprako gital tarina nanga.
Uandake, bimung segatanirangko dakanichi 2024 bilsio gong-9,328,3000 tangkarangko Labour department man·aha.
Adita salrangna skang, Meghalaya Assembly, niamrangko pe·anina gamna nanganiko gong-5,000oni lak 1-ona bariatna ine Migrant Workers Act-ko taridapna ra·chakaha. Ia niamko taridapanio a·dok gipinrangoni kam ka·na re·bagiparangko Crime and Criminal Tracking Network System-ko (CCTNS) jakkale uamangni gimin sandianirangko dake niamrangko rakbatataha.
Na·simang iakoba nina man·gen:
Na·simang iakoba poraina man·gen: Assembly-o bol ge•ani program-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
